Tá an tríú babhta tuilte ag teacht agus tá Met Éireann ag tabhairt rabhaidh go bhféadfadh trí huaire an mheánbháisteach bualadh ar chósta thoir na tíre.
Beidh tionchar ag an drochaimsir ar cheantair i gCorcaigh agus i mBaile Átha Cliath a bhfuil daonraí móra iontu agus tugadh foláireamh do thiománaithe, do rothaithe agus do choisithe fanacht amach ó cheantair abhann agus ó cheantair chósta.
D’fhéadfadh bruacha abhann pléascadh agus d’fhéadfadh taoide arda titim ar thalamh in aice le ceantair chósta.
Dúirt cathaoirleach an Grúpa Náisiúnta Comhordaithe Éigeandála (National Emergency Coordination Group, NECG) Keith Leonard: ‘Táimid ar ais i ndálaí an-deacra an tseachtain seo.’
D’fhógair Comhairle Cathrach Bhaile Átha Cliath dúnadh na gcarrchlós ag cóstaí Dumhach Thrá (Sandymount) agus Chluain Tarbh (Clontarf) chomh maith le Clárchosán Cé Éidin (Eden Quay Boardwalk) i lár na cathrach, agus fanfaidh geataí tuile feadh Abhainn na Dothra (Dodder) dúnta go dtí go dtabharfar fógra eile.
Tá comhairle tugtha ag Comhairle Contae Chorcaí do dhaoine atá ina gcónaí i gceantair chósta a bheith airdeallach.
Dúirt siad nár cheart do thiománaithe tiomáint trí uisce tuile agus a bheith ag súil le huisce dromchla, smionagar agus droch-infheictheacht.
Tá rabhadh tugtha ag údaráis áitiúla sna ceantair atá buailte cheana féin go bhféadfadh taoide earraigh arda sna laethanta amach romhainn, in éineacht le gaotha láidre, tonnta a chur i dtír timpeall na gcósta agus aibhneacha a ardú thar a mbruacha.
Táthar ag súil go mbeidh na contaetha a raibh na tuilte is measa orthu an tseachtain seo caite – Loch Garman, Ceatharlach, Cill Mhantáin agus Baile Átha Cliath – buailte is measa ag an tuile is déanaí, a dúirt an réamhaisnéiseoir.
Eisíodh foláireamh báistí Buí do Cheatharlach, Cill Chainnigh, Loch Garman, Corcaigh agus Port Láirge, le leibhéil arda abhann, taoide arda agus talamh thar a bheith sáithithe ó bháisteach leanúnach le seachtainí beaga anuas.
Tháinig an foláireamh maidir le tuilte áitiúla, tuilte abhann agus dálaí deacra taistil i bhfeidhm ag 9pm oíche Luain agus é i bhfeidhm go dtí tráthnóna Dé Máirt. Mar sin féin, tháinig foláireamh eile maidir le báisteach throm do Bhaile Átha Cliath, Lú agus Cill Mhantáin a tháinig i bhfeidhm ag 6am maidin Dé Máirt go dtí 9pm oíche Dé Máirt.
Dúirt meitéareolaí Met Éireann, Aoife Kealey, go raibh ‘ceithre huaire an ghnáthmhéid bháistí sa tseachtain seo caite’ i gceantair i ndeisceart Bhaile Átha Cliath agus Loch Garman, de réir an Irish Daily Mail.
‘De réir mar a théann muid tríd an tseachtain seo chugainn, is féidir go mbeidh suas le dhá nó trí huaire an mheánmhéid bháistí i gceantair chomhchosúla, rud nach gcuideoidh leis an staid sna ceantair sin atá faoi thuilte troma cheana féin,’ a dúirt sí, ag tagairt do na ceantair is mó a ndearnadh damáiste dóibh an tseachtain seo caite.
‘I bhfianaise na ndálaí reatha, staid na talún, leibhéil arda abhann, cuireann sé sin méadú ar an mbaol tuilte, toisc go bhfuil réimse lagbhrú (low pressure) ag fanacht in aice láimhe agus go gcothaíonn sé dálaí suaite ar fud na tíre.’
Dúirt an Grúpa Náisiúnta Comhordaithe Éigeandála (National Emergency Coordination Group, NECG) go bhfuil an riosca tuilte ar fud réigiúin an oirthir agus an oirdheiscirt fós ‘an-ard’ ó Stoirm Chandra Dé Máirt seo caite.
Chomh maith leis na hocht gcontae atá i mbaol tuilleadh tuilte, dúirt cathaoirleach NECG, Keith Leonard, go bhféadfadh tuilte a bheith i gceantair áirithe i gcontaetha ar nós an Chabháin agus Mhuineacháin agus go mbeadh báisteach throm ann Dé Máirt agus Dé Céadaoin.
Dúirt an tUasal Leonard le RTÉ Radio 1: ‘Táimid ar ais i ndálaí an-deacra an tseachtain seo’.
‘Fan siar ó bhruacha abhann, srutháin agus canálacha – d’fhéadfadh leibhéil uisce ardú go tapa,’ a dúirt an t-údarás.
Bhí ceantair i mBaile Átha Cliath, lena n-áirítear Ráth Fearnáin agus Teampall Óg ar thaobh theas na cathrach, buailte go dona ag an báisteach leanúnacha cheana féin.
Agus tá damáiste mór déanta do Chorcaigh.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
