Coscrach! Na pictiúir deireanach den stiúrthóir Hollywood Rob Reiner agus a bhean chéile, agus a mac gafa

Fuarthas an lánúin marbh taobh istigh dá dteach mór €13 milliún i Los Angeles, agus tá a mac Nick gafa

Tógadh pictiúr den stiúrthóir tragóideach Hollywood, Rob Reiner, agus a bhean chéile Michele den uair dheireanach lena dtriúr páiste díreach seachtainí roimh a mbás.

Fuarthas an lánúin marbh taobh istigh dá dteach mór €13 milliún i Los Angeles tráthnóna Dé Domhnaigh le créachta sáite, agus tá a mac Nick gafa ag na póilíní atá ag fiosrú an cháis mar dhúnmharú dúbailte.

Tá beirt pháistí eile, Jake agus Romy, fágtha ag Rob agus Michele. Tá Nick á choinneáil faoi láthair ar bhannaí 4 mhilliún dollar.

Tá pictiúr deireanach den teaghlach ar fad tagtha chun solais ó díreach míonna roimh na maruithe uafásacha, leis na páistí Romy, Nick, Jake, agus bean chéile Jake, Maria Gilfillan, sa phictiúr le Rob agus Michele

Sheas an teaghlach le chéile ar an gcairpéad dearg don chéad taibhiú de Spinal Tap 2, i mí Mheán Fómhair, a stiúir agus a scríobh Rob.

Bhí an triúr deartháireach agus deirfiúrach i láthair ag an gcéadtaibhiú, lena n-áirítear Romy, a fuair coirp a tuismitheoirí go tragóideach ina dteach ar an 14 Nollaig.

Is cosúil go bhfuil dlúthbhaint ag Romy lena tuismitheoirí, agus tá pictiúir ar a Instagram a thaispeánann í ar saoire leo agus ag baint taitnimh as snámh san fharraige cúpla seachtain ó shin, agus í ag scríobh: ‘Buíoch as an teaghlach.’

Oibríonn Jake mar thuairisceoir nuachta i Texas, agus labhair Nick roimhe seo faoina chuid streachailt le handúil drugaí agus easpa dídine.

Stiúir Rob Reiner scannáin íocónacha ar nós Misery, When Harry Met Sally agus The Princess Bride, agus ba dhuine an-gheanúil é i Hollywood.

Dheimhnigh urlabhraí thar ceann theaghlach Reiner a mbásanna ag rá: ‘Is le brón mór a bás tragóideach Michele agus Rob Reiner a roinnt.

‘Táimid croíbhriste ag an gcaillteanas tobann seo, agus iarraimid príobháideacht le linn an ama uafásaigh seo.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil