Scannán faoi Trump, a rinne sé iarracht a stopadh, ar Netflix anois

Cuireadh moill ar scannán faoi Trump mar fhear óg agus cháin Uachtarán Mheiriceá é ach bhuaigh sé go leor duaiseanna. Anois, tá sé ar Netflix

Tá scannán faoi Donald Trump, a rinne an tUachtarán iarracht a stopadh, ar fáil anois ar Netflix.

Scaoileadh The Apprentice sna pictiúrlanna anuraidh. Taispeánann sé conas a tháinig sé chun cinn mar fhear ghnó eastáit réadaigh i Nua-Eabhrac sna 1970í agus 1980í.

Tá Sebastian Stan i ról Trump, le Jeremy Strong mar aturnae Roy Cohn agus Maria Bakalova mar Ivana, a chéad bhean chéile.

Rinne Ali Abbasi stiúradh ar an scannán. Cé gur fógraíodh é i 2018, níor tháinig sé chun cinn go dtí 2023. Nuair a taispeánadh é ag Féile Cannes, fuair sé moladh mór agus bualadh bos ocht nóiméad.

Ach bhí radhairc chonspóideacha ann – lena n-áirítear Donald ag fáil lipeasúchán agus léiriú aisteach ar ghnéas gan toiliú lena bhean.

Mar gheall ar seo, bhí sé deacair dá lucht déanta dáileoir Meiriceánach a fháil. Rinne foireann dlí an uachtaráin iarracht cosc a chur air.

Scaoileadh é i ndeireadh Fómhair 2024, cúpla seachtain roimh an toghchán. Dúirt sé gur iarracht a bhí ann chun dochar a dhéanamh dá fheachtas.

Dúirt urlabhraí feachtais Trump, Steven Cheung, gur ‘bruscar’ a bhí ann agus gur chuir sé béim ar ‘bhréaga atá bréagnaithe le fada’.

In ainneoin na cáinte, ainmníodh an scannán do dhá Oscar, dhá Golden Globe agus trí Bafta.

Anois, tá The Apprentice curtha ar Netflix – rud a d’fhéadfadh Trump a chur ar buile.

Dúirt na léiritheoirí: ‘Is portráid chothrom é den uachtarán. Ba mhaith linn go bhfeicfeadh gach duine é agus ansin cinneadh a dhéanamh.’

Mhínigh Sebastian Stan gur carachtar ‘tógtha as fearg agus blianta de chosc’ a bhí i Trump. Nuair a fiafraíodh de faoin bhfreagra géar ó Trump, dúirt sé: ‘Má tá an scannán chomh neamhábhartha sin, cén fáth an freagra láidir? B’fhéidir mar go ngortaíonn an fhírinne.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil