Teicníc shiúil atá níos fearr ná 10,000 céim sa lá, de réir dochtúra

Deir an dochtúir nach dtógann an teicníc shiúil seo ach 30 nóiméad gach lá agus go bhfuil sí iontach do do shláinte

Tá dochtúir a chéimiúil ó Harvard tar éis teicnic shiúil a chur ar fáil atá níos fearr ná 10,000 céim sa lá, a deir sé

Tá Dr Saurabh Sethi, atá ina gaistreintreolaí (gastroenterologist), a roinneann a thaithí agus a chuid eolais lena 1.1 milliún leantóir ar Instagram (@doctor.sethi), ag moladh plean shiúil nua.

Roimhe seo, roinn sé na trí earra tí ‘is nimhiúla’ agus mhol sé do dhaoine iad a chaitheamh amach láithreach.

Is iad sin coinnle cumhra (scented candles), cláir mhionghearrtha plaisteacha (plastic chopping boards) agus pannaí neamhghreamaitheacha (non-stick pans).

Anois, tá Dr Saurabh Sethi, atá 42 bliain d’aois, tar éis teicníc shiúil sean chóirithe Seapánacha a chur ar fáil, a bhfuil níos mó buntáistí aici ná 10,000 céim a dhéanamh sa lá, dar leis.

I ríl a fuair 1.2 milliún amharc agus os cionn 30,000 ‘like’, míníonn sé conas a oibríonn sé.

‘Sa phlean déanann tú trí nóiméad siúl go mall, agus trí nóiméad siúl go tapa, amhail is dá mbeifeá ag rith chuig cruinniú tábhachtach,’ a deir an dochtúir, atá i gCalifornia, SAM.

‘Déan é seo ar feadh 30 nóiméad gach lá agus tá na torthaí dochreidte.’

Ach ní gá duit na babhtaí 6 nóiméad go léir a dhéanamh ag an am céanna, is féidir leat iad a scaipeadh i rith an lae.

I measc na mbuntáistí, luaitear brú fola níos fearr, riosca stróc laghdaithe, meon feabhsaithe, córais imdhíonachta (immune system) níos láidre agus codladh níos fearr.

Deirtear freisin: ‘Taispeánann an staidéar gur féidir leis an modh sláinte agus teicníc shiúil seo chroí agus folláine a fheabhsú go mór.

‘Tá sé éifeachtach ó thaobh ama freisin,’ a deir sé faoin teicníc shiúil.

Tá an treocht seo dírithe ar ráta croí a ardú go suntasach agus moltar é a dhéanamh suas le cúig huaire sa lá.

Mar sin féin, ba chóir dóibh siúd a bhfuil sé beartaithe acu aclaíocht choirp chomh dian sin a dhéanamh, dul i gcomhairle le saineolaí leighis ar dtús roimh a dtosóidh siad leis an teicníc shiúil seo.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil