Tá CREW (Creative Enterprise West) agus Údarás na Gaeltachta ag obair le chéile chun an intleacht shaorga (AI) a chuir ar fáil do lucht gnó.
Tá clár nua acu atá bunaithe ar phíolóit a d’oibrigh go maith an bhliain seo caite agus atá ag díriú ar intleacht shaorga (AI) agus ar smaoineamh deartha a nascadh le chéile chun nuálaíocht agus fás a chothú.
Trí cheardlanna praiticiúla foghlaimeoidh daoine cén chaoi intleacht shaorga (AI) a úsáid mar chomrádaí cruthaitheach a chabhróidh leo fadhbanna a réiteach, deiseanna nua a aimsiú, agus an chaoi a ndéanann siad gnó a athrú.
Bhí an chéad ceann ar siúl i mBéal an Mhuirthead ar 23 Meán Fómhair, ach tá trí cinn le teacht.
Na Forbacha – 8 Deireadh Fómhair, 2025
An Daingean – 14 Deireadh Fómhair, 2025
Gaoth Dobhair – 18 Samhain, 2025
Tabharfaidh gach ceardlann uirlisí praiticiúla agus eolas úsáideach do lucht gnó, agus ina dhiaidh sin beidh seisiúin phearsanta ann le cabhrú leo intleacht shaorga (AI) a úsáid go díreach ina gcuid oibre chun fadhbanna a réiteach agus rudaí nua a chruthú.
Dúirt Ainslie Peters, bainisteoir an Chláir ag CREW: ‘Ní do chuideachtaí móra teicneolaíochta amháin atá AI ann, ach d’aon duine atá ag iarraidh smaoineamh níos fearr, oibriú níos cliste, agus rud éigin luachmhar nua a chruthú dá gcuid custaiméirí,
‘Taispeánfaidh na ceardlanna seo cén chaoi is féidir le hAI agus smaoineamh deartha dul le chéile chun smaointe nua agus deiseanna gnó fíor a chruthú.’
Dúirt Tomás Ó Síocháin, Príomhfheidhmeannach, Údarás na Gaeltachta: ‘Tugann an chomhpháirtíocht seo deis iontach dúinn tacaíocht phraiticiúil agus éifeachtach a chur ar fáil d’fhiontraithe agus do ghnólachtaí na Gaeltachta.
‘Tá sé mar aidhm againn go bhfeicfeadh an lucht gnó an AI mar uirlis chumhachtach a chabhróidh leo a bheith níos nuálaí agus fás inbhuanaithe a bhaint amach.’
Tá tuilleadh eolais ar fáil ar: www.crewdigital.ie
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
