Bácáilte, friochta, griollta, curtha idir dhá shlis aráin le him, nó ar a stuaim féin — is aoibhinn le formhór againn ispín atá cócaráilte i gceart.
Ach de réir cócaire cáiliúil, táimid á gcócaráil go hiomlán mícheart leis na blianta.
In áit iad a chur ar theas ard — cibé acu faoin ngríoscán, i bpanna friochta nó ar an mbeárbaiciú — ba chóir iad a chócaráil go mall ar theas íseal.
Deir an cócaire agus blagálaí bia Martin King, ar a dtugtar The Why Chef, gur chóir go dtógfadh an t-ispín foirfe ar a laghad 30 nóiméad ag cócaráil.
‘Dá airde an teas, is lú an saille a leánn, is tapúla a dhóitear an craiceann, agus is lú an seans go mbeidh lár an ispín cócaráilte sula n-éiríonn na himill chrua,’ a mhíníonn sé.
‘Má chócarálann tú iad go mall ar theas íseal, beidh siad bruite go maith tríd,’ a deir sé.
‘Agus ligfidh tú don tsaill leá agus caramalaigh sa phanna, gan aon bhaol go n-iompóidh siad crua mar leathar.’
Molann King iad a chócaráil i bpanna friochta le go leor im.
‘Cuireann sé leis an mblas,’ a deir sé. Is féidir leat ola a úsáid, ‘ach ní oireann sí don ispín mar a dhéanann im.’
Molann sé im gan salann a roghnú, mar go gcuireann im sailleach criostail bheaga sa phanna agus san ispín, rud nach mbíonn fáilte roimhe.
Admhaíonn sé go bhfuil an rogha is sláintiúla ná ag gríoscadh mar ligeann sí don tsaill imeacht ón ispín gan saill eile a chur leis an bpróiseas — ach, dar leis, is ‘íobairt bhlastáin (sacrifice of flavour)’ atá ann.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
