Aon scéal? Céard iad na focail Ghaeilge is fearr leat? Uachtar reoite? Féileacáin? Nó céard faoi na beacha ag buzzáil?
Bhuel faigheann tú na focail sin i gcroílár bailiúcháin iontach ó pháistí bunscoile i gclos-scéal nua ‘Lá ar an Trá’.
Is eachtra dátheangach é léirithe ag Rose Producing mar chuid de thionscadal darb ainm ‘Éist’ ar siúl i rith an tsamhraidh.
Bhí páistí sna leabharlanna i Loch Garman thar a bheith gnóthach ag freastal ar cheardlanna scéalaíochta le scríbhneoir Alison Ní Mháirtín.
Rinneadh rangú smaointe le haghaidh an tionscadail trí mheascán de dhrámaíocht agus gníomhaíochtaí fuaime, trí tharraingt agus ag féachaint ar an rogha leabhar áille Gaeilge atá le tairiscint ag an leabharlann.
‘Bhí na páistí go léir chomh hinspioráideach,’ arsa Alison.
‘Bhí roinnt focail choitianta ann – go háirithe uachtar reoite mar bhí an aimsir chomh te i mbliana!
‘Is iomaí cór sa saol agus cloisfidh tú nach bhfuil aon difir idir muidne agus na carachtair sa scéal sin.’
Leanann an scéal Áine, Teidí agus Mamaí ag dul ar thuras chuig a dtrá áitiúil.
Ach mar a fhaigheann siad agus cara nua amach, níl gach rud mar is gnách.
Bhí na páistí tógtha le ceol na teanga agus mar sin, tá dlúthcheangal idir an scéal agus rím/rithim.
Cé go bhfuil sí dírithe ar lucht éisteachta 5+, tá sé oiriúnach d’achan aois.
Cuireann Miriam Needham, as Liatroim, beocht sna carachtair lena scileanna aisteoireachta. Is í Heather Rose ó Shligeach an stiúrthóir agus bhí an fhuaim déanta ag Jonas Dellow.
Mar is eol daoibh, tá nasc láidir idir samhradh agus pubaill.
Bhí sé cuí mar sin go raibh pubaill ghleoite ina sheasamh sna leabharlanna i rith an tionscadail chun deis a thabhairt do pháistí clos-scéalta eile a chloisteáil.
Agus ní fhéadfaí na torthaí a shárú, measann Alison. Is as Baile Átha Cliath di ó dhúchas agus tá cónaí uirthi i mBaile Loch Garman anois lena triúr clainne.
Is é ‘Lá ar an Trá’ ná ceiliúradh teanga agus cruthaitheachta agus rinneadh é le tacaíocht ón gClár Éire Ildánach, Comhairle Contae Loch Garman agus an Rialtas Áitiúil.
Agus beidh ceardlanna ‘Scéalta & Sound’ ar siúl an tseachtain seo chugainn le hAlison sna leabharlanna chun seoladh an scéil a chomóradh le spraoi agus gníomhaíochtaí.
Tá na sonraí thíos agus is féidir tuilleadh eolais a fháil ar Leabharlanna | Wexford County Council
Bun Clóidí – Dé Máirt 19ú ag 11:30
Ros Mhic Thriúin – Dé Céadaoin 20ú ag 11:00
Loch Garman – Dé Sathairn 23ú ag 11:00
Tá tuilleadh eolais faoin tionscadal a fháil ó: hroseproducing@gmail.com agus ó www.roseproducing.com
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
