Beidh 36 teaghlach lán-Ghaeilge – 170 duine san iomlán – ag teacht le chéile le Glór na nGael i gColáiste Íde an Domhnach seo, le haghaidh seachtain lán le pobail, cultúr agus spraoi.
Tá sé mar chuid de Shaoire Ghaeltachta le Glór na nGael – saoire speisialta a dearadh go sonrach do theaghlaigh Ghaeilge ar gach leibhéal líofachta.
Beidh 25 teaghlach ag fanacht ar an láthair, rud a chuirfidh beocht agus fuinneamh ar leith sa Choláiste le linn na seachtaine.
Beidh na hócáidí ar siúl go dtí Dé Sathairn, 16 Lúnasa, agus is fíorshaoire í – gan aon ranganna ná teagasc foirmiúil.
Ina ionad sin, cuireann sí timpeallacht shuaimhneach, chairdiúil ar fáil ina labhraítear Gaeilge go nádúrtha trí chluichí, chruthaitheacht, eachtraíocht agus caidreamh teaghlaigh.
Eagraithe ag Glór na nGael, tá réimse leathan gníomhaíochtaí beartaithe don tseachtain – céilithe, spórt, scéalaíocht, ceardlanna ealaíne, drámaíocht, aireachas agus go leor eile – ar fad trí mheán na Gaeilge agus oiriúnach do gach aois.
Tabharfaidh gach lá deis nua do theaghlaigh spraoi a bheith acu le chéile, agus cuimhní cinn a chruthú i gceann de na ceantair Ghaeltachta is áille – Corca Dhuibhne.
Tacaíonn Glór na nGael an tSaoire Ghaeltachta le teaghlaigh Ghaeilge trí spás dearfach, fáiltiúil a chruthú ina bhfásann an Ghaeilge go nádúrtha – ní trí ranganna, ach trí thaithí bheo.
Agus beidh maidin chaife mar chuid de, ar an Aoine 15ú Lúnasa óna 11:30-13:00, ar son an Red Crescent sa Phalaistín. Beidh fáilte roimh chách freastal air.
Deir Glór na nGael go bhfuil siad bródúil as an gcur chuige nuálach seo a threorú – cur chuige a neartaíonn an teanga, an pobal agus an spraoi i saol na dteaghlach.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
