Tá Wendy agus Shane Lowry tar éis filleadh ar Éirinn don samhradh, agus iad ag baint an-taitneamh as gach nóiméad den am, le cabhrú ó chairde cáiliúla.
Tháinig an lánúin, atá lonnaithe i Florida, go dtí Iarthar Chorcaí lena mbeirt iníon, chun sos a thógáil i ndiaidh an Open i bPort Rois, agus bhí beirt threoraithe speisialta ann chun iad a thabhairt chuig na háiteanna is fearr sa cheantar.
Chas teaghlach an galfaire cáiliúil leis na seanchairde acu – réalta rugbaí, Peter O’Mahony, agus a bhean chéile Jessica.
Chaitheadar lá teaghlaigh le chéile ar an trá i mBá na hEornan (Barley Cove).
Chaith an dá theaghlach lá spraíúil ag fiosrú na háite agus is léir go raibh na páistí – atá thart ar an aois chéanna – ag réiteach go maith lena chéile agus ag súgradh ar an trá.
Tá triúr páiste ag Jessica agus Peter: Indie, 9, Theo,7, agus Ralph, 4. Tá beirt iníon ag Wendy agus Shane: Iris, 8, agus Ivy, 3.
Bhí Jessica agus Wendy le feiceáil mar a bheadh dlúthchairde fadsaolacha ann, ag roinnt tuáille ar an trá agus ag dul isteach san fharraige fhuar le chéile.
Ina dhiaidh sin, thugadar aghaidh ar an bpubaill, áit a raibh Shane agus Peter ag baint sult as piontaí Murphy’s, agus na páistí ag spraoi thart, ag iarraidh léimeanna muiníl a fháil óna máithreacha.
Bhain Wendy agus Shane lánúsáid as na gníomhaíochtaí áitiúla freisin – bhain a n-iníonacha taitneamh as rásaíocht chairtíní (go-kart racing) agus puttgalf dhá mhaide (pitch and putt) i Smuggler’s Cove.
Dúirt Wendy ar na meáin shóisialta go rabhadar ag baint an-taitneamh as an am sin, agus mhol sí go magúil gur mhaith léi ‘go nglacfadh clann Uí Mhathúna léi’ – chomh mór is a thaitin an ceantar léi.
Roinn sí grianghraif ón tsaoire leis an téacs: ‘Thiteamar i ngrá le hIarthar Chorcaí,’ agus croí dearg leis.
Bhí bród ar Jessica a ceantar dúchais a thaispeáint do chlann Lowry agus scríobh sí ar Instagram: ‘Níl aon tinteán mar do thinteán féin.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
