Is í ailse phróstataigh an ailse is coitianta i measc na bhfear, seachas ailse chraicinn, ach cuireann trian de na fir moill ar labhairt le dochtúir faoi fhadhbanna féideartha.
Agus is minic a dhéanann siad é as náire, rud a fhágann iad i mbaol ailse, léiríonn a taighde is déanaí.
I measc na gcomharthaí coitianta ar fhadhbanna próstatach tá deacracht ag dul chuig an leithreas, sruth fuail lag agus an gá dul níos minice, go háirithe i rith na hoíche.
Is féidir leis na hairíonna seo a bheith ina gcomhartha ar phróstataigh méadaithe, riocht coitianta nach bhfuil bagrach don bheatha – ach is comharthaí rabhaidh ailse iad freisin.
Mar sin féin, fuarthas amach i suirbhé ar 2,000 fear, a rinne an gnólacht seiceála sláinte phríobháideach Vista Health sa Bhreatain, nach ndéanfadh 35% díobh cabhair leighis a lorg láithreach dá mbeadh fadhbanna den sórt sin acu.
Agus in ainneoin gurb é ailse phróstataigh an cineál is coitianta i measc na bhfear, seachas ailse chraicinn, dúirt ceathrú de na daoine a ndearnadh suirbhé orthu nach raibh a fhios acu go bhfuil an orgán beag bídeach, a tháirgeann sreabhán (fluid) a dhéanann suas cuid den seamhan, suite faoin lamhnán (bladder).
Is í ailse phróstataigh an ailse is coitianta a théann i bhfeidhm ar fhir in Éirinn, seachas ailse chraicinn, agus déantar diagnóis ar thart ar 4,000 cás nua gach bliain.
Tá sé ríthábhachtach d’fhir os cionn 50 bliain d’aois, agus dóibh siúd a bhfuil stair theaghlaigh acu, tástáil PSA a phlé lena ndochtúir teaghlaigh.
Tá sé ríthábhachtach go mbraithfí an galar go luath trí thástáil PSA, g o háirithe dóibh siúd atá i mbaol níos airde, mar ní bhíonn aon chomharthaí ag go leor fear a bhfuil ailse phróstataigh luath orthu.
Is minic a aimsítear an galar trí thástáil fola – ar a dtugtar tástáil antaigin shonraigh phróstataigh (PSA) – a fhéadann dochtúir teaghlaigh a thairiscint.
De ghnáth ní mholtar é seo ach dóibh siúd a bhfuil comharthaí orthu nó atá os cionn 50 bliain d’aois. Ach fuarthas amach sa suirbhé freisin nach bhfuil a fhios ag beagnach leath na bhfear cén aois ba chóir iad a sheiceáil.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
