Bia feoilséantach (vegetarian): Cén chaoi a bhfuil sé ‘misleading’ an téarma ‘burger glasraí’ a úsáid?

Tá ‘lobbiests’ le haghaidh feirmeoirí agus cuideachtaí feola cumhachtacha ag buachan catha san Aontas Eorpach chun cosc ​​a chur ar díoltóirí bia feoilséantach (vegitarion) frásaí cosúil le ‘burger veigeatóir’ a úsáid

Tá roinnt Feisirí Eorpacha ag iarraidh cosc ​​a chur ar tháirgeoirí bia feoilséantach (vegetarian) agus vegan as focail ar nós ‘ispíní’, ‘burger’ agus ‘schnitzel’ a úsáid chun a gcuid táirgí a dhíol.

Deir feirmeoirí go bhfuil díoltóirí bia feoilséantach ag cur a gcustaiméirí amú.

Mar sin féin, tá na feoilséantóirí tar éis freagra a thabhairt trí cheist a chur: Cén chaoi a bhfuil sé míthreorach táirge a bheith agat ar a dtugtar, ‘veggie burger’.

Tá stocaireacht (lobby) láidir ag tionscail na feirmeoireachta agus na feola san Aontas Eorpach agus ní féidir táirgí neamh-dhéiríochta a chur síos mar bhainne agus cáis cheana féin.

Tá an Coimisiún Eorpach ag dréachtú rialacha nua a chlúdaíonn talmhaíocht agus tá roinnt Feisirí Eorpacha ag baint úsáide as seo chun taobh a ghlacadh leis na feirmeoirí agus na cuideachtaí móra feola i gcoinne táirgeoirí bia feoilséantach.

Dúirt uachtarán Chumann Soláthróirí Bainne Uachtarlainne na hÉireann (ICMSA), Denis Drennan, go bhfuil téarmaí traidisiúnta feirmeoireachta á ‘fuadach’, de réir tuairisce san Irish Times.

Dúirt sé gur gníomh ‘d’aon ghnó agus ciniciúil’ atá i gceist.

Tá an Feisire Eorpach Francach Céline Imart ag moladh chosc ar théarmaí traidisiúnta ar lipéadú do tháirgí plandaí-bhunaithe.

Is í seo an tslat is déanaí sa chath fada idir feirmeoirí, a n-ionadaithe, an Coimisiún agus táirgeoirí bia feoilséantach.

Tá rialú déanta ag Cúirt Bhreithiúnais na hEorpa gur féidir le bianna plandaí-bhunaithe téarmaí a bhaineann go traidisiúnta le feoil a úsáid a luaithe nach gcuirtear tomhaltóirí amú.

Mar sin féin, tá rialú déanta ag an gcúirt freisin i gcoinne ‘bainne coirce (oat milk)’.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil