Tá an chéad réamhbhlaiseadh don scannán beathaisnéise nua Deliver Me From Nowhere eisithe, le Jeremy Allen White sa phríomhról mar Bruce Springsteen.
Tá an scannán á stiúradh ag Scott Cooper agus díríonn sé ar shaol Springsteen i rith na mblianta 1981–1982, agus é ag obair ar a albam clúiteach Nebraska.
Scaoileadh Nebraska amach in 1982, tar éis rath an amhráin Hungry Heart in 1980.
Ag an am céanna, bhí Springsteen ag cruthú a chéad albam eile Born in the U.S.A., a tháinig amach in 1984.
Glacann Jeremy Allen White — a bhuaigh trí Ghradam Golden Globe as a chuid oibre sa tsraith The Bear — le dúshlán an róil. I gcomhrá le GQ anuraidh, dúirt sé go raibh sé ‘an-bhuíoch’ as an gcabhair a fuair agus é ag ullmhú don ról.
‘Tá foireann an-chumasach ag cabhrú liom le cleachtadh gutha agus ceoil. Agus tá an t-ádh orm go bhfuil Bruce Springsteen féin an-tacúil leis an scannán — bhí deis agam labhairt leis, agus is duine iontach é,’ a dúirt White.
Beidh an scannán le feiceáil sna pictiúrlanna ar an 24 Deireadh Fómhair.
Bhí Bruce Springsteen féin ar láthair an scannánaíochta go minic, agus mhol sé an fhoireann go hard.
Tá Jeremy Strong (Succession) le feiceáil mar a bhainisteoir agus léiritheoir Jon Landau, agus Stephen Graham (Adolescence) mar a athair, Douglas.
Dúirt Springsteen go raibh an smaoineamh ‘suimiúil’ agus gur ‘scannán iontach’ atá ann.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
