Tá Natasha O’Brien tar éis cáineadh géar a dhéanamh ar an mbreitheamh a thug pianbhreith ar fionraí ar a hionsaitheoir.
Rinne an t-iar-shaighdiúir Cathal Crotty ionsaí ar Natasha ar an 29 Bealtaine 2022 i gcathair Luimnigh tar éis di idirghabháil a dhéanamh nuair a chuala sí é ag glaoch ‘homo’ ar dhuine.
I mí an Mheithimh 2023, ghearr an Breitheamh Tom O’Donnell téarma trí bliana ar fionraí go hiomlán ar Crotty agus d’ordaigh sé dó cúiteamh €3,000 a íoc le Natasha.
Mhol an Breitheamh O’Donnell, atá ar scor anois, Crotty as a phléadáil chiontachta.
Mar sin féin, níor admhaigh Crotty, a bhí 20 bliain d’aois ag an am, an t-ionsaí ach nuair a thaispeáin na Gardaí é le píosaí scannáin CCTV.
Níos luaithe i mbliana, chuir an Chúirt Achomhairc an phianbhreith ar fionraí go hiomlán ar ceal, ag gearradh pianbhreith trí bliana príosúnachta uirthi agus an 12 mhí dheireanach ar fionraí.
Ag labhairt le Extra.ie roimh clár faisnéise a bhí ar RTÉ, Natasha, oíche Dé Céadaoin, dúirt an bhean as Luimneach nach raibh sí ‘ag súil riamh’ go gcuirfí an phianbhreith ar ceal agus mhínigh sí na mothúcháin choimhlinteacha a bhí aici maidir le Crotty a bheith curtha i bpríosún.
‘Is cuimhin liom nach raibh a fhios agam cad a bhí ag tarlú agus go raibh na mothúcháin seo go léir agam,’ a dúirt sí, ‘Bhí na breithiúna ag rá na rudaí seo go léir a shamhlaigh mé go ndéarfadh an breitheamh a chuir an phianbhreith anuraidh.’
Roimh an chlár ar RTÉ, agus ina céad agallamh i nGaeilge, labhair Natasha O’Brien le Sláine Ní Chathalláin ar An Saol Ó Dheas ar Raidió na Gaeltachta.
Labhair sí faoin gcaoi ar athraigh a saol tar éis an ionsaithe a dhéanamh uirthi.
San agallamh, dúirt sí nach mbeidh aithreachas go deo uirthi gur labhair sí amach ag cáineadh na pianbhreithe ar fionraí a tugadh ar dtús don saighdiúir Cathal Crotty, a ciontaíodh as ucht ionsaí a dhéanamh uirthi ar shráideanna chathair Luimnigh.
Dúirt Natasha chomh maith go gcabhraíonn sé lena misneach gur labhair sí amach.
“Tar éis dul tríd an córas ar feadh dhá bhliain, ní bhfuair mé aon eolas faoin gcás…ní raibh éinne ag cabhrú liom,’ a dúirt sí.
‘Chuaigh mé isteach chun na cúirte i gcathair Luimnigh an bhliain seo caite, agus bhí an breitheamh ag gearradh pianbhreith air, agus dúirt sé nach raibh sé ag iarraidh pianbhreith a ghearradh air mar go raibh post aige san arm, mar sin shiúil sé amach as an chúirt liomsa, agus níor tharla rud ar bith.’
Dúirt sí: ‘Bhí gach duine ar buile mar gheall ar an gcóras… bhíos ag iarraidh labhairt amach faoi, thosaigh mé ag labhairt amach faoi na fadhbanna agus níor stop mé.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
