Thug na gardaí trealamh tochailte (digging equipment) nua go dtí an teach ina raibh an cuardach ar Annie McCarrick – ach tá an cuardach sin críochnaithe anois.
Dúirt na Gardaí i ráiteas nach mbeidh siad ag scaoileadh sonraí faoin gcuardach ar ‘chúiseanna oibríochtúla’.
Agus tá fear a ceistíodh thar lear sa chás tar éis a rá nach raibh aon bhaint aige ná ag a dheartháir leis.
Dúirt sé freisin go raibh na gardaí ‘ag insint bréaga’ faoi.
Bhí McCarrick 26 bliain d’aois nuair a d’imigh sí gan tásc. Bhí sí ina cónaí i mBaile Átha Cliath ó tháinig sí go hÉirinn ó na Stáit Aontaithe i 1993.
Bhí sí le feiceáil go deireanach ar an 26ú Márta, 1993. Ar chomóradh 30 bliain a himeachta, athraíodh an cás ó dhuine ar iarraidh go fiosrúchán dúnmharaithe.
I mí an Mheithimh 2025, gabhadh fear faoi amhras as dúnmharú Ms McCarrick, ach scaoileadh saor é gan aon chúiseamh.
Bhí an cuardach ar siúl i dteach a bhain leis an bpríomh-amhrasach agus a chlann ag an am. Tá an teach sin suite ar Monastery Walk i gCluain Dolcáin, Baile Átha Cliath 22.
Tá sé tugtha le fios nárbh iad na húinéirí reatha, a cheannaigh an teach le 15 bliain anuas, a raibh baint ar bith acu leis an gcás, agus d’imigh siad as an teach fad is atá an cuardach ar siúl.
Tháinig sé chun solais roimhe seo gur thaistil Gardaí thar lear chun labhairt le deartháir an amhrasaigh. Tuigtear gur bronnadh faisnéis orthu a chuir alibi an amhrasaigh faoi amhras.
Ag labhairt leis an Irish Mirror, dúirt an fear nárbh é féin ná a dheartháir a rinne dochar d’Annie McCarrick.
‘Ní raibh aon bhaint agamsa ná ag mo dheartháir le himeacht Annie McCarrick,’ a dúirt sé.
‘Is mise a thuairiscigh í ar iarraidh. Is mise a rinne an ráiteas tosaigh chun nach gcaithfí am ag imscrúdú mise.
‘Bheadh mé ceann de na chéad daoine a cuireadh as an imscrúdú, agus cheapfainn go raibh an scéal céanna le mo dheartháir.’
Cháin sé na Gardaí, ag rá go raibh siad ‘ag insint bréaga daoibh’ agus gur tháinig an t-eolas a fuair siad sa chomhrá roimhe sin ó rud nach raibh ‘fianaise úrnua ar bith ann’ chun dul i ndiaidh a dhearthár.
Nochtaigh Extra.ie níos luaithe i mbliana go raibh gníomh á phleanáil ag na Gardaí tar éis dóibh locht a fháil ar an imscrúdú roimhe seo.
Bhí siad ag díriú ar fhinnéithe a dúirt go bhfaca siad McCarrick in Enniskerry agus in aice le Johnnie Fox’s, ach creideann an fhoireann nua anois gur chuir na ‘radhairc’ seo ar strae iad ó lucht a cairde agus ón bpríomh-amhrasach.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
