Bhí oíche ar leith ag Neven Maguire agus a bhean chéile Amelda i mBaile Átha Cliath Dé Luain seo caite.
Chuaigh an lánúin go dtí Gradaim Bhialann na hÉireann san Óstán Clayton, Burlington Road – agus ba oíche speisialta í.
Bhí suas le 1,000 cócaire agus úinéir bialainne ag an ócáid, agus bhí go leor fáthanna ag Neven agus Amelda le bheith bródúil.
Fuair Neven an gradam mór náisiúnta don Ghnóthachtáil Is Fearr le haghaidh a bhialainne cháiliúil, MacNean House, agus dúirt sé go raibh sé an-bhródúil leis an onóir mhór.
Bhí Amelda ag gáire ó chluas go cluas agus í ag seasamh le Neven agus an gradam ina lámh aige. Bhí sí gléasta go galánta sa ghúna dubh le lása faiseanta don ócáid.
Fuair an lánúin go leor teachtaireachtaí comhghairdis. Dúirt an láithreoir Claire Byrne: ‘Comhghairdeas le @nevenmaguire agus Amelda as an ngradam speisialta atá go hiomlán tuillte acu. Maith sibh!’
Dúirt duine eile: ‘Tarlaíonn rudaí maithe do dhaoine maithe – is duine den scoth tú.’
Dúirt tríú duine: ‘Is inspioráid tú – ní hamháin do MacNean House, ach don todhchaí sa tionscal bialainne.’
Ar an Máirt, dúirt Neven go raibh sé fós ag smaoineamh ar an oíche.
‘Ní féidir liom a chreidiúint fós inniu. Táim chomh sásta agus chomh bródúil. Go raibh maith agaibh as na teachtaireachtaí álainn,’ a dúirt sé.
Thug sé buíochas speisialta dá fhoireann freisin ag rá: ‘Ba oíche speisialta í ar gach bealach. Táim fíorbhuíoch as an ngradam seo. Go raibh míle maith ag an Restaurant Association of Ireland, mo chlann, mo chairde agus mo fhoireann dílis.’
Dúirt sé freisin: ‘Is breá liom mo chuid oibre – tá an t-ádh orm go bhfuil daoine den scoth timpeall orm.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
