Tá freagra na hÉireann ar Bear Grylls tagtha le Kneecap agusl réaltaí eile! Tá sraith úrnua á craoladh ar RTÉ faoi láthair ina bhfuil daoine cáiliúla Éireannacha ag dul ar eachtraí crua faoin aer – is í an tsraith ‘Uncharted with Ray Goggins’.
Is iar-shaighdiúir de chuid na bhfórsaí speisialta é Ray Goggins, agus tá sé mar threoraí ag grúpa daoine cáiliúla agus iad ag taisteal trí thimpeallachtaí dainséara ar fud an domhain.
I measc na rannpháirtithe bhí an t-iarThaoiseach Leo Varadkar leis an amhránaí as Corcaigh, Lyra, agus beidh an triúr ó Iarthar Bhéal Feirste, Kneecap, an an tseachtain seo chugainn.
Deir na léiritheoirí gurb é seo ceann de na ‘tástálacha is dúshlánaí’ a bheidh le sárú ag na rannpháirtithe, agus iad faoi bhrú.
I ngach clár, tabharfaidh Ray Goggins faoi dhúshlán fisiciúil agus meabhrach atá deartha chun teorainneacha gach duine a bhaint amach.
Sa chéad chlár, beidh Leo Varadkar agus Lyra in éineacht le Ray sna sléibhte Drakensberg san Afraic Theas, agus beidh Kneecap ar an clár an tseachtain seo chugainn.
Chaith siad oícheanta a chaitheamh i bpluaiseanna, dreapadh suas aillte géara agus dul i ngleic le cnoic ollmhóra – gan chabhair ón taobh amuigh.
Dúirt Varadkar: ‘Tá mé rud beag neirbhíseach – ní dhearna mé rud mar seo riamh.
‘De ghnáth, bíonn gach rud mínithe dom – anois, níl a fhios agam cad atá amach romham.
‘Tá daoine cleachta mé a fheiceáil mar pholaiteoir – duine dáiríre, gan laigí. Ach anseo, is féidir liom a bheith cosúil liom féin.’
Ag deireadh na heachtra, dúirt Leo gur fhoghlaim sé ceacht tábhachtach ó Ray Goggins – an tábhacht a bhaineann le moladh agus spreagadh a thabhairt do dhaoine.
‘Tá aiféala amháin orm,’ a deir sé. ‘Bhí foirne móra faoi mo chúram – airí, TDanna… Is trua nár chaith mé 10 nóiméad sa bhreis gach lá ag tabhairt moladh dóibh, mar a rinne tusa linn.
‘Bíonn tionchar ollmhór ag focail dheasa. Fiú cúpla teachtaireacht nó guthán gearr gach lá – is mór an rud é sin, agus tá brón orm nach ndearna mé é.’
Bhí Lyra ag baint taitneamh as an dúshlán. ‘Tá mé i ndáiríre ag baint sásaimh as a bheith san fhásach,’ a deir sí.
Ach dúirt sí go mbíonn sé ‘crua go leor ar na meáin shóisialta’ don té atá sa saol poiblí.
‘Is breá leo tú a ísliú beagán,’ a dúirt sí. ‘Is duine mise a bhfuil dúil agam i ndaoine a shásamh… agus nuair a fhaighim teachtaireachtaí diúltacha, mothaím nár bhain mé an caighdeán cuí amach.
‘Cuireann sé isteach orm. Bím trína chéile i gcónaí nuair a labhraím faoi.’
Mar chuid den eachtra chrua, codlaíonn an triúr i bpluaiseanna, dreapann siad sléibhte géara agus téann siad go barr Eas Tugela (Tugela Falls) – ceann de na heasanna is airde ar domhan.
Bhí albam tosaigh Lyra ar bharr na gcairteacha anuraidh.
Ach tá aiféala ag Lyra fosta. In ainneoin a rath, admhaíonn sí go raibh sí faoi bhrú ag an tionscal ceoil a bheith níos tanaí ag tús a gairme – rud a chuir tús lena streachailt le bulimia.
‘Ba chóir dom a bheith seasmhach agus a rá, “Seo mise – glac leis nó ná glac leis”.
‘Tá aiféala orm nach ndearna mé sin níos túisce, mar chaill mé cuid mhór de mo shaol agus níor bhain mé taitneamh ceart as na blianta luath a chaith mé mar cheoltóir,’ a dúirt sí.
Sa dara clár, cuirfidh Kneecap fúthu san Artach, áit a mbeidh siad ag tabhairt aghaidh ar sheachtain fuar ag teocht lúide 40 céim.
Ní bheidh sé éasca ag an dtríréad ceolmhar, Kneecap, ach beidh Ray ag stiúradh an bhealaigh.
Beidh Ellen Keane, buaiteoir bonn óir Parailimpeach, agus Ashling Thompson, laoch camógaíochta le sé chraobh uile-Éireann, i gceartlár na hAindéis sa Bholaiv.
Beidh siad ag tabhairt faoi 100km de shiúlóid ar ‘Death Road’, bóthar contúirteach tríd an bhforaois scamallach.
Sa Cholóim, beidh Joe Canning as Gaillimh agus an lúthchleasaí Thomas Barr ag dul ar thuras dainséarach trí rapaí abhann de ghrád a cúig – cuid de na cinn is contúirtí ar domhan.
Ní bheidh aon éalú ann ó dhúshláin na nádúra.
Dar le RTÉ: ‘feicfidh an lucht féachana daoine cáiliúla as saol na polaitíochta, an cheoil, agus an spóirt, ag tabhairt aghaidh ar thimpeallachtaí iargúlta agus bagracha, á mbrú go dtí an teorainn.’
Ach tá níos mó ag baint leis na heachtraí seo ná dúshláin fisiciúla.
Le linn an ama a chaitheann na rannpháirtithe sa bhfásach le Ray, forbraítear cairdeas, roinntear scéalta, agus nochtar leochaileachtaí nach bhfeictear de ghnáth.
‘An nochtfaidh na heispéiris seo rud úr faoin na pearsain cháiliúla seo?’, a fhiafraítear sa tsraith.
Cinnte, tabharfaidh sé léargas difriúil dúinn ar dhaoine a cheapamar a bheith ar eolas againn cheana.
Uncharted le Ray Goggins Dé Céadaoin le Kneecap, RTÉ a hAon agus ar Seinnteoir RTÉ ag 9.35pm.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
