D’fhógair an tAire Oideachais, Helen McEntee, athruithe móra don tSraith Shóisearach an tseachtain seo.
Ag labhairt di Dé Máirt, dúirt sí go mbeidh grád-bhannaí nua ann do dhaltaí atá ag cur tús leis na scrúduithe go luath.
Beidh an méid céanna grád-bhannaí ann is mar a bhí roimhe seo, ach beidh na ceithre ghrád is airde – Gradam, Ardtuillteanas, Tuillteanas agus Gnóthaithe– scaipthe go cothrom i mbandaí 15 faoin gcéad anois.
Ag labhairt faoin athrú, dúirt an tAire McEntee, ‘Tá lúcháir orm a fhógairt go n-athrófar na grád-bhannaí don tSraith Shóisearach, agus beidh na hathruithe seo i bhfeidhm do na breis is 73,000 dalta a bheidh ag déanamh a gcuid scrúduithe sna seachtainí amach romhainn.’
‘Tá na ceithre bhanda is airde cothrom anois, agus cabhróidh sé seo le daltaí. Cinnteoidh sé go léiríonn na grádanna a gcuid oibre chomh maith le hobair na múinteoirí.’
Dúirt sí freisin, ‘Beidh níos mó daltaí in ann grád Gradam nó Ardtuillteanas a fháil leis an athrú seo. Cé go bhfuil na hathruithe seo á bhfógairt agam do dhaltaí 2025 agus do na blianta amach romhainn, tá na bandaí fós leathan go leor chun daltaí a choinneáil ag foghlaim go muiníneach agus dírithe ar a gcuid oideachais, seachas bheith buartha faoi scrúduithe amháin.’
Tiocfaidh na hathruithe seo i bhfeidhm do na daltaí a bheidh ag déanamh scrúduithe an Chúrsa Shóisearach mí an Mheithimh seo chugainn.
Bronnfar Gradam do ghrádanna os cionn 85%, ach roimhe seo bhí 90% de dhíth. Fresin, bronnfar Ardtuillteanas do ghrádanna idir 70% agus 85%. Roimhe seo, bronnadh seo ar ghrádanna idir 75% agus 90%.
Tá na hathruithe á bhfógairt ag an Aire agus í ag ullmhú do chainteanna le ceardchumainn na múinteoirí an tseachtain seo.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
