Tá sé ráite ag Uachtarán Mheiriceá, Donald Trump, go bhfuil Éire ‘ar ndóigh’ ag baint leasa as SAM. Bhí sé ag caint le linn chuairt thraidisiúnta Lá Fhéile Pádraig an Taoisigh Micheál Martin.
Bhí an tUasal Trump ag labhairt in éineacht leis an Uasal Martin san Oifig Oval mar chuid de raon imeachtaí sceidealaithe i Washington.
‘Bunaíodh an AE chun leas a bhaint as na Stáit Aontaithe,’ a dúirt an tUasal Trump.
Nuair a fiafraíodh de an raibh Éire ag baint leasa as SAM freisin, dúirt sé: ‘Ar ndóigh tá siad.
‘Tá an-mheas agam ar Éirinn, ar an méid a rinne siad agus bhí an ceart acu as an méid a rinne siad.
‘Ach níor cheart go ligfeadh na Stáit Aontaithe leis sin tarlú. Bhí ceannairí amaideacha againn, bhí ceannairí againn nach raibh le clú acu.
‘Tá ár gcomhlachtaí cógaisíochta ag Éirinn, tá tionscal cógaisíochta iomlán na SAM ar an oileán álainn seo ina bhfuil cúig mhilliún duine,’ a dúirt Trump.
‘Tá maoin agam in Éirinn, mar is eol daoibh, agus is breá liom é, éiríonn go hiontach leis, ach an rud ar mhaith liomsa ná nach mbeadh na Stáit Aontaithe chomh hamaideach le blianta fada, ní hamháin le hÉirinn ach le gach éinne.’
Dúirt Trump: ‘Mar shampla, nuair a thosaigh na cuideachtaí cógaisíochta ag dul go hÉirinn, bheadh sé ráite agamsa: “Tá sé sin ceart go leor más mian libh dul go hÉirinn, sin go maith, ach má tá sibh ag iarraidh rud ar bith a dhíol isteach sna Stáit Aontaithe táim chun taraif 200% a chur ort ionas nach mbeidh tú in ann aon rud a dhíol isteach sna Stáit Aontaithe”.
‘Tá a fhios agat cad a bheadh déanta acu? D’fhanfaidís anseo.’
Mar sin féin, bhí an cruinniú dearfach den chuid is mó mar dúirt Trump nach raibh sé ag iarraidh aon rud a dhéanamh chun ‘Éire a ghortú’.
Dúirt sé freisin gur ‘onóir mhór’ a bhí ann an Taoiseach a bheith ag an Oifig Oval.
Ag labhairt dó os comhair na dtuairisceoirí, dúirt an tUasal Trump: ‘Tá caidreamh ghnó den scoth againn in Éirinn, agus ní éireoidh leis sin ach níos láidre.
‘Tá an caidreamh atá againn, go pearsanta ar gach bealach eile, an-láidir agus an-mhaith.
‘Mar sin, ba mhaith liom fáilte a chur romhat chuig Washington DC agus chuig ár dtír agus buíochas a ghabháil leat go mór.’
Ghabh an tUasal Martin buíochas leis an uachtarán as a fháilteachas agus dúirt sé gur ‘onóir mhór’ a bhí ann a bheith i Washington DC chun Lá Fhéile Pádraig a cheiliúradh.
‘Molaim thú as an obair atá ar siúl agat, go háirithe ó thaobh na síochána de,’ a dúirt sé.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
