Tá sceitimíní ar lucht leanúna Dhún na nGall i mbliana mar tá Michael Murphy ag filleadh ar pháirc na himeartha arís leis an ngeansaí glas agus ór a chaitheamh.
I 2022, d’fhógair Michael go mbeadh sé ag éirí as an bpeil tar éis 15 bliain, rud a chur díomá ar neart daoine sa chontae.
Bhíodh sé aitheanta mar cheann de na himreoirí ab fhearr as Dún na nGall, ach bhí Michael le feiceáil arís i mbliana ag tabhairt aghaidhe ar sheaimpíní na hÉireann, Ard Mhacha.
Sular sheas sé siar ó fhoireann an chontae, tharla rud tábhachtach eile do Michael ag tús 2022 – d’iarr sé ar a chailín Annie é a phósadh.
Chrom an peileadóir clúiteach síos ar a leathghlúin Lá Nollaig leis an gceist a chur agus ní raibh Annie bocht ag tnúth leis in aon chor.
Scaip an lánúin an dea-scéal ar na meáin shóisialta le pictiúr gleoite.
Phós an lánúin, agus cairde is a clainne in éindí leo, i gceann de na háiteanna is rómánsúla ar domhain – Flórans san Iodáil i 2023.
Chaith Annie gúna gearr álainn agus chaith Michael casóg ghlas dorcha in éindí le péire chino.
Ag labhairt dó le RSVP i 2020, dúirt Michael go n-oibríonn an caidreamh de bharr go mbíonn siad in ann a spéiseanna féin a leanúint.
Ar ndóigh, ní bhíonn sí gafa leis an CLG sa chaoi chéanna is a bhíonn Michael.
‘Leanann sí na cluichí, ach ní bheadh sí gafa le Dún na nGall mar tá a cairde féin aici agus cuireann sí spéis i rudaí eile’, a dúirt sé.
‘Ar ndóigh bíonn sí i láthair ag na cluichí le tacaíocht a thabhairt don fhoireann agus na leaideanna.’
Nuair nach mbíonn sé i mbun traenála, bíonn Michael fós gafa leis an spórt mar tá sé mar cheannaire ar an Rannóg Spóirt in Ollscoil Teicneolaíochta an Atlantaigh i nDún na nGall.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
