Tá dhá cheann de na beáir is fearr san Eoraip sa Ghaeltacht – agus sin a bhfuil le rá ag na hEorpaigh.
Tá ceithre theach tábhairne Éireannacha ainmnithe ar na cinn is fearr san Eoraip, de réir an European Bar Guide.
Léiríonn an liosta de na 100 teach tábhairne agus beáir is fearr san Eoraip gach bliain, ag cur comhairle ar gach duine ó thurasóirí go daoine áitiúla faoi na háiteanna is fearr chun scíth a ligean le haghaidh pionta nó mhanglaim (cocktails).
Tá na beáir rangaithe de réir cúig phríomhchritéar:
1. cáilíocht agus rogha na ndeochanna;
2. stíl, décor agus carachtar;
3. atmaisféar agus an saol áitiúil;
4. taitneamhachtaí agus imeachtaí atá ar fáil;
5. agus luach ar airgead.
Rangaíonn na beáir Éireannacha ó uimhir 14 go dtí uimhir 28 ar an liosta; agus ag uimhir 28 tá Tig Bhric, teach tábhairne agus bialann traidisiúnta atá lonnaithe i nGaeltacht Iarthar Chiarraí ar Leithinis an Daingin.
Tá an beár teaghlaigh seo ina institiúid ó bunaíodh é sna 1890idí.
Thug an European Bar Guide rátáil 9.5 as 10 do Thig Bhric agus rinne sé cur síos air mar ‘grúdlann (brewery) beag Iarthar Chiarraí le beoir casca i dteach tábhairne iontach teolaí (cozy) le radhairc ar an leithinis’.
Ní nach ionadh é go bhfuil an béar Grogan’s, ar Sráid Liam Theas (South William Street) i gcathair Bhaile Átha Cliath, ar an liosta. Tá sé ar uimhir 24 i measc na mbeár is fearr san Eoraip.
Tá teach tábhairne ar shuíomh Grogan’s ó 1899, ach i ndáiríre thosaigh sé ag fáil cáil mar áit fhaoisimh do scríbhneoirí ó osclaíodh é sna 1970idí.
Tá Dick Mack’s sa Daingean rangaithe i measc na 20 beár is fearr san Eoraip. Is ar uimhir 17 í ar an liosta.
Lonnaithe ar Shráid an Dóirín os comhair na hEaglaise, bhí beár agus siopa leathair ag Dick Mack’s i 1899.
Is leis an teaghlach MacDonnell é agus tá cáil air as an Guinness, taobh istigh eicléictiúil agus seisiúin rialta traidisiúnta.
Is é an teach tábhairne Éireannach is airde ar an liosta is déanaí de chuid The European Bar Guide ná ‘The Gravediggers’ le John Kavanagh i mBaile Átha Cliath, a ainmníodh ar an 14ú barra is fearr san Eoraip.
Bunaíodh The Gravediggers sa bhliain 1833 agus moladh go forleathan é mar an teach tábhairne leis an bpionta is fearr de Guinness i mBaile Átha Cliath – cé nach n-aontaíonn beáir eile leis sin.
De réir The European Bar Guide, a thug rátáil 9.6 as 10 do The Gravediggers: ‘Is breá leis na daoine áitiúla é agus tá a fhios acu go bhfuil cónaí orthu in aice le ceann de na tithe tábhairne is fearr san Eoraip. Agus is eol, i gceart, mar gheall ar phionta iontach a dhoirteadh.’
Tá liosta iomlán de nabeáir is fearr san Eoraip le fáil ANSEO
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
