Ní thabharfaidh an Rialtas nua isteach an Bille um Chríocha faoi Fhorghabháil (Occupied Territories Bill), de réir tuairiscí.
Bhí an Bille geallta roimh an toghchán chun cosc a chur ar thrádáil ar lonnaíochtaí mídhleathacha (illegal settlements).
Ní dócha anois go mbeidh brú ar aghaidh leis an Bhille nuair a bhunófar an Rialtas Dé Céadaoin, de réir tuairisc san Irish Mail on Sunday.
Roimh an toghchán dúirt Micheál Martin agus Simon Harris go dtabharfaidís an Bille isteach ach bhí amhras ar pholaiteoirí an Fhreasúra faoi na gealltanais sin.
Bhí tuairiscí ann go raibh lucht tacaíochta Iosrael i Meiriceá ag cur brú ar Rialtas na hÉireann gan an Bille a thabhairt isteach.
Chomh maith leis sin, tá sé ráite ag ambasadóir Iosrael go hÉirinn, Dana Erlich, go bhfuil ceangal dlíthiúil ar Mheiriceá gach nasc eacnamaíoch le hÉirinn a ghearradh má théann an Rialtas leis an Bhille.
In agallamh leis an Sunday Independent, dúirt sí: ‘Sílim go bhfuil na polaiteoirí, an Rialtas agus an Freasúra chomh dallta (blind) ag an bhfuath (hate) nó ag an “obsession” in aghaidh Iosrael go bhfuil siad toilteanach céimeanna a chur chun cinn a dhéanfaidh dochar do shaoránaigh na hÉireann agus do gheilleagar na hÉireann gan stad agus ag rá, “tá muid imithe rófhada”.’
De réir na dtuairiscí nua, in ionad tacaíocht a thabhairt don Bhille, anois beidh Simon Harris ina Aire Gnóthaí Eachtracha agus beidh misean taidhleoireachta (dipomatic mission) chuig na Stáit Aontaithe, chun tacaíocht a fháil ó na cuideachtaí a thacaíonn le hIosrael.
Roimh shearmanas bliantúil na seamróige i mí an Mhárta, buailfidh an tUasal Harris le hionadaithe rialtas na Stát Aontaithe i Washington.
Mar sin féin, tá tacaíocht láidir ag muintir na hÉireann don Bhille agus tá glactha ag an Dáil leis cheana féin.
Chomh maith le sin, deir an Chúirt Bhreithiúnais Idirnáisiúnta (International Court of Justice, ICJ) go bhfuil forghabháil (occupation) Iosrael ar chríocha na Palaistíne mídhleathaigh (illegal) faoin dlí idirnáisiúnta agus tá dualgas ar stáit gan é a éascú (facilitate).
Is í an Seanadóir Francis Black a thug isteach an Bille ar dtús. Leis an Bhille bheadh Éire ag cur cosc ar thrádáil le táirgí ó na críocha atá gafa.
Ní bheadh an cosc, áfach, ach ar tháirgí ó lonnaíochtaí (settlements) atá dearbhaithe go neamhdhleathach faoin dlí idirnáisiúnta.
Tá níos mó tacaíocht don Bhille mar gheall ar na hionsaithe in Gaza.
Maraíodh ar a laghad 47,000 duine in ionsaí Iosrael ar dhaonra na Palaistíne in Gaza le 15 mhí anuas.
Tá thart ar 90% de dhaonra de 2.3 milliún easáitithe (displaced) ag an gcoimhlint, agus go leor acu i mbaol gorta (famine).
Scrios diúracáin Iosrael an chuid is mó den chóras cúram sláinte lena n-áirítear na hospidéil.
Deir oifigigh Gaza gur mná, leanaí agus daoine scothaosta 59% de na híospartaigh, ach deir anailís de chuid na Náisiún Aontaithe go bhféadfadh sé a bheith chomh hard le 70%.
Roimh an olltoghchán, gheall an Rialtas go dtabharfaidh siad é isteach agus dúirt Tánaiste Micheál Martin go gcaithfí leasuithe (amendments) a dhéanamh air.
Ag an am, dúirt páirtithe an Fhreasúra (Opposition) go mbeidís sásta a gcuid ama a thabhairt suas sa Dáil chun an Bille a thabhairt isteach, agus chuir siad i leith an Rialtais as moill a chur ar chúrsaí go dtí go mbeadh an toghchán thart.
Tá sé á thuairisciú anois go mbeidh baill Rialtais ag rá go bhfuil an Bille ‘róchasta’ agus go bhfuil codanna de mhíbhunreachtúil (unconstitutional).
Dar leis an Irish Mail on Sunday, dúirt foinse Comh-Aireachta: ‘Ní bheidh aon amhras ar an riarachán go bhfuil an Bille seo míbhunreachtúil agus tógfaidh sé blianta le seachadadh.
‘Agus tá súil agam go gcuirfear deireadh leis go ciúin ansin de réir mar a thagann laghdú ar imní an phobail le deireadh na troda in Gaza.’
Dúirt an Seanadóir Black cheana féin go bhfuil na Náisiúin Aontaithe tar éis bogadh cheana féin chun tacú le gníomhaíochtaí in aghaidh na lonnaíochta mídhleathacha sa Phalaistín, mar sin go bhfuil dualgas ar an Rialtas faoin dlí idirnáisiúnta.
Dúirt sí: ‘Ba mhaith le muintir na hÉireann beart a fheiceáil ón Rialtas.
‘Táimid ag rá go gcaithfidh Éire dul i ngleic le cearta daonna idirnáisiúnta i ndáiríre.
‘Is faoin dlí idirnáisiúnta agus cearta daonna atá sé, mar sin caithfimid é a achtú.’
Mar thoradh ar an Bhille cuirfear cosc iomlán ar allmhairiú (importation) earraí agus seirbhísí ó lonnaíochtaí mídhleathacha (illegal settlements), lena n-áirítear ó lonnaíochtaí Iosraelacha sa Chríoch Áitithe Palaistíne (Occupied Palestinian Territory).
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
