Tá rabhadh aimsire tugtha ag Met Éireann faoi theocht an-fhuar le sioc forleathan agus oighir.
Fanfaidh an rabhadh i bhfeidhm go dtí 10am Dé Céadaoin.
Táthar ag súil le coinníollacha dainséarach ar bhóithre agus ar chosáin chomh maith le roinnt cur isteach ar thaisteal.
Is dóichí go bhféadfadh sioc agus oighear a bheith ann le flichshneachta, sneachta agus clocha sneachta.
Tá rabhadh á thabhairt ag Met Éireann faoi dhrochléargas (poor visibility) freisin.
Titfidh an teocht go dtí ó 3 agus 6 chéim an tseachtain seo thar leath thuaidh na tíre agus in áiteanna eile beidh siad ó 7 go 12 céim.
Seolfaidh Met Éireann rabhaidh aimsire amach i rith na seachtaine. Más mian leat a bheith ar an eolas faoin aimsir is déanaí cliceáil ar na naisc ar an bpostáil seo am ar bith i rith na seachtaine.
Bhí aimsir neamhghnách éadrom ag Éirinn an mhí seo ach beidh an teocht an tseachtain seo cúpla céim faoi bhun an mheáin do mhí na Samhna.
Gluaisfidh báisteach, flichshneachta agus sneachta ó dheas maidin Dé Máirt agus um thráthnóna, agus beidh tréimhsí gréine agus ceathanna scaipthe sa tuaisceart ina dhiaidh sin.
Beidh na teochtaí Dé Máirt idir 3 agus 6 chéim ar fud na tíre agus ó 5 go 8 gcéim i gCúige Mumhan.
Is dócha gurb iad Dé Máirt, Dé Céadaoin agus Déardaoin na hoícheanta is fuaire den tseachtain, mar go dtitfidh teochtaí thar oíche faoin reophointe go dtí idir -2C agus -4C.
An aimsir don Mháirt
Bogfaidh ráigeanna báistí, flichshneachta agus sneachta ó dheas, ag casadh go príomha ar bháisteach sula nglanfar iad ó dheas tráthnóna.
Leanfaidh tréimhsí gréine agus ceathanna geimhridh scaipthe sa tuaisceart um thráthnóna.
Na teochtaí is airde de 2 go 5 chéim i gcoitinne agus ó 5 go 8 céim i gCúige Mumhan. Gaotha measartha don chuid is mó, úr go láidir siar i gCúige Mumhan.
Beidh oíche Mháirt tirim i bhformhór na gceantar le tréimhsí soiléire.
Beidh tionchar ag ceathanna geimhridh ar cheantair thuaisceart Uladh agus Chonnacht. An teocht is ísle de -3 go +1 céim le sioc agus paistí oighreata.
An aimsir don Chéadaoin
Beidh Dé Céadaoin fuar agus tirim go príomha le tréimhsí gréine. Glanfaidh sioc de réir a chéile, ach fanfaidh sé i roinnt limistéar.
Roinnt ceathanna geimhridh, go príomha in iarthar agus i dtuaisceart Chonnacht agus Uladh. Buaicphointí 3 go 5 céim go ginearálta, le gaotha measartha siar go dtí an t-iarthuaisceart den chuid is mó.
Beidh oíche Chéadaoin tirim agus soiléir ina lán áiteanna ach leanfar le ceathanna scaipthe geimhridh in áiteanna san iarthar agus sa tuaisceart.
An teocht is ísle de -3 go +1 céim le paistí sioc agus oighear.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
