Cillian Murphy ag bogadh go teach i ndeisceart Bhaile Átha Cliath chun breis príobháideachta a fháil

Tá aghaidh ar an tsráid ag teach reatha Cillian Murphy agus bíonn baill den phobal ag iarraidh radharc a fháil istigh

Tá Cillian Murphy ag bogadh; tá sé ag díol a theach agus ag bogadh go dtí áit i mBaile Átha Cliath ina bhfuil níos mó príobháideachta.

Tá an t-aisteoir as Corcaigh ina chónaí i gceantar saibhir Bhaile na Manach, gar don fharraige, lena bhean chéile agus a bheirt mhac ó 2015.

Is minic a chonacthas é ag baint sult as gnáthshaol sa cheantar.

Mar sin féin, tá an réalta Oppenheimer, a bhfuil próifíl níos mó aige anois, ag bogadh.

I mbliana, bhí sé ar an gcéad duine a rugadh in Éirinn a bhuaigh Oscar do phríomhról.

Mar sin féin, tá Murphy ag bogadh achar gairid go teach eile, ach ceann a bhfuil níos mó príobháideachta aige.

De réir scéal san Irish Mail on Sunday tá saol Murphy, atá 48 bliain d’aois, ag éirí ‘ró- ghnóthach’.

Is é is cúis leis sin ná go bhfuil súil ag an bpobal radharc a fháil ar an réalta ag teacht agus ag imeacht, nó fiú an taobh istigh dá theach a fheiceáil trí na fuinneoga.

Is é teach sraithe (terraced house) áit chónaithe Murphy faoi láthair, agus é ag tabhairt aghaidh ar chearnóg oscailte.

Mar sin is é Murphy an t-aon A-lister Hollywood a n-osclaíonn a dhoras tosaigh go díreach ar shráid phoiblí.

Dúirt foinse go raibh ‘go leor ban meánaosta’ ag druidim leis an teach le déanaí.

Tuigtear go bhfuil an t-aisteoir cáiliúil ag bogadh go teach le teorainn, ionas go mbeidh níos mó príobháideachta ar fáil.

Bhog Murphy agus a bhean, ealaíontóra Yvonne McGuinness, an teaghlach go Baile Átha Cliath ó Londain.

Bhí sé seo go sonrach chun fás suas a thabhairt dá gcuid mac nach mbeidh ró-difriúil óna gcuid féin –  agus ionas go mbeidís Éireannaigh’.

‘Is e sin an rud is fearr a rinne muid’ a dúirt Murphy faoi sin, agus is eol gur bhain sé taitneamh as teacht abhaile.

Ceannaíodh a dteach reatha, teach baile dhá stór Victeoiriach, a tógadh in 1863, ar €1.7 milliún in 2015.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil