Beidh go leor againn ag tnúth le huair an chloig sa bhreis a chodladh ar an Domhnach, nuair a bheidh na cloig ag dul ar ais.
Mar sin féin, tá rabhadh tugtha ag eolaithe go bhféadfadh méadú teacht ar fhadhbanna codlata, ar thimpistí tráchta – agus fiú ar ailse (cancer), a bheith mar thoradh ar an athrú ar ár sceidil.
Anois tá ráiteas foilsithe ag grúpa saineolaithe ag moladh deireadh a chur le hAm Coigilte Solas an Lae (daylight-saving time, DST) trí na cloig a chur ar ais.
Is i 1916 a tugadh isteach an smaoineamh chun na cloig a chur ar aghaidh, agus ansin ar ais, i rith na bliana.
Ba é an smaoineamh ag an am ná táirgiúlacht an fhórsa saothair a fheabhsú tríd an leas is fearr a bhaint as uaireanta solas an lae sa samhradh.
Ciallaíonn sé go dtéann na cloig ar aghaidh uair an chloig ag 1am ar an Domhnach deiridh i mí an Mhárta, agus ar ais uair an chloig ag 2am ar an Domhnach deiridh i mí Dheireadh Fómhair.
Tá sé seo toisc go n-éiríonn na laethanta níos faide sa samhradh.
Mar gheall air sin má bhogtar am oibre ar aghaidh uair an chloig, tugann sé níos mó uaireanta solas na gréine do dhaoine i rith an lae oibre.
Mar sin féin, anois tá Cumann Codlata na Breataine (British Sleep Society) tar éis a iarraidh go ndéanfaí Am Caighdeánach (Standard Time) buan (ar a dtugtar Greenwich Mean Time freisin) a athchóiriú, in alt san iris, Journal of Sleep Research.
Áirítear leo fianaise a tharraing aird ar iarmhairtí diúltacha an athraithe cloig.
Tá sé tugtha le tuiscint ag staidéar go dtiocfaidh méadú thart ar 6% ar an mbaol go dtarlódh timpistí marfacha nuair a tugadh isteach am coigilte solas an lae gach earrach.
Tá fianaise ann freisin go bhfuil riosca méadaithe fadhbanna cardashoithíoch (cardiovascular), iompar féinmharfach agus básmhaireacht (mortality) sna laethanta tar éis na cloig a athrú.
Thug comh-údar an staidéir, an tOllamh Malcolm von Schantz, ó Ollscoil Northumbria na Breataine, foláireamh: ‘Is iad na maidineacha an t-am a bhfuil an gá is mó le solas ar ár gcloig choirp chun fanacht faoi shioncronú (stay in sync).
‘Ar dhomhanleithead (latitudes) [in Éirinn agus sa Bhreatain] níl aon solas lae spártha le spáráil i rith míonna an gheimhridh.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
