Fógróidh Simon Harris an toghchán Dé hAoine, 8 Samhain, do lá vótaíochta an 29 Samhain, a dúirt foinsí sinsearacha Rialtais, de réir an Irish Daily Mail.
I gceann coicíse, an 8 Samhain, rachaidh ceannaire Fhine Gael isteach i nDáil Éireann le cur in iúl do na Teachtaí Dála go mbeidh sé ag iarraidh ar an Uachtarán Micheál D Ó hUigínn an Dáil a lánscor, agus feachtas gairid trí seachtaine a cheadú don olltoghchán.
Tá grúpa beag, mionlach de chúntóirí an Taoisigh ar an eolas faoi na pleananna seo – agus níor pléadh an clár ama seo don olltoghchán lena chomhcheannairí Comhrialtas, Micheál Martin ó Fhianna Fáil agus le Roderic O’Gorman de chuid an Chomhaontais Ghlais, de réir na tuarascála.
Bhí comhaontú leathan idir an triúr fear ag a gcruinniú ceannairí Dé Luain go mbeidh toghchán ann i 2024, ach is ar an Taoiseach a thitfidh an cinneadh deiridh maidir le dáta.
Beidh feachtas ‘gearr’ níos fearr d’Fhine Gael atá ag iarraidh 45 suíochán a bhuachan, dar le bainisteoirí sinsearacha Fhine Gael.
Creideann foinsí sa pháirtí, áfach, go bhféadfaidís oiread agus 50 suíochán a bhuachan san olltoghchán.
Tá sé ráite ag roinnt foinsí: ‘We’re going to party like it’s 2007’ – agus ‘rompáil’ ar ais i gcumhacht, díreach mar a rinne Fianna Fáil le Bertie Ahern.
Agus Sinn Féin i ngéarchéim, tá foinsí i bhFine Gael, Fianna Fáil agus an Comhaontas Glas ag déanamh tuar muiníneach dóibh féin.
Dúirt foinse Comh-Aireachta amháin: ‘Táimid ag iarraidh teorainn a chur leis an gcineál cainte seo ach tá ár n-iarrthóirí agus ár gcuid canbhasálaithe ag tuairisciú go mbeidh an feachtas seo cosúil go mór le feachtas 2007.
‘Ciallaíonn sé sin go bhfuil dearcadh an-dearfach maidir le filleadh ar an Rialtas.
‘In ainneoin ionsaithe agus conspóide ó na meáin, tháinig Bertie Ahern abhaile i 2007.
‘Tá muid á rá go ciúin, ach is é an rud atá á rá acu ná, “We’re going to party like it’s 2007”.’
Beidh ar a laghad trí dhíospóireacht ceannairí ar siúl ar an teilifís, le ceann ar The Tonight Show le Virgin TV, chomh maith le roinnt ar RTÉ, dar leis an Irish Daily Mail.
Agus tá fonn ar bhainisteoirí Fhine Gael iarraidh ar an Taoiseach Simon Harris bualadh le ‘oiread daoine agus is féidir go pearsanta’ le linn an fheachtais.
In olltoghchán 2007, ba í pearsantacht an Uasail Ahern a chabhraigh le Fianna Fáil 78 suíochán a bhuachan, sin ach trí cinn níos lú ná mar a bhuaigh siad i 2002.
Níor bhuaigh Sinn Féin ach ceithre shuíochán i 2007 ach, i 2020, bhí an bua is mó acu sa toghchán, le 37 suíochán.
Mar sin féin, tar éis drochthoradh sna toghcháin áitiúla, agus géarchéimeanna le déanaí, tá sé fós le feiceáil cén tacaíocht a bheidh ag Sinn Féin anois.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
