Sheol an conraitheoir (contractor) tógála Ospidéil Náisiúnta Leanaí bille €25 milliún chuig an Rialtas le haghaidh tasc a chosain €200,000, a dúirt an tAire Sláinte.
Chuaigh an teannas in olcas idir Bord Forbartha an Ospidéil Náisiúnta Phéidiatraicigh (National Paediatric Hospital Development Board, NPHDB), atá ag maoirsiú an tionscadail, agus an conraitheoir BAM faoin gceist.
Dúirt an tAire Stephen Donnelly go dtabharfaidh an bord BAM os comhair cúirte más gá.
Tháinig an tUasal Donnelly os comhair Choiste Sláinte an Oireachtais Dé Céadaoin.
Dúirt sé leis na comhaltaí gur iarr BAM ar €25 milliún chun suíomh na ngríleanna aerchóirithe (air conditioning grilles) in obrádlanna a athrú.
Dúirt an conraitheoir leis an mbord go dtógfadh na hathruithe sé mhí le cur i gcrích agus go mbeadh ‘tionchar acu ar an dáta críochnaithe substaintiúil’.
Dúirt an tAire Donnelly: ‘Chosain sé níos lú ná 1% de sin. Chosain sé níos lú ná €200,000 agus thóg sé cúpla seachtain.’
Dúirt sé: ‘Is fiú a rá, trí dhearmad nó nach ea, gur eisigh BAM sonrasc (invoice) don Stát ar an €25 milliún iomlán.
‘Ach b’fhéidir gur earráid riaracháin (administrative) a bhí ann ar a thaobh.’
Bhí an tAire á cheistiú ag Teachtaí Dála agus Seanadóirí maidir le cén fáth nach raibh sé níos gníomhaí chun iarracht a dhéanamh doirse an ospidéil a oscailt.
Tá an costas méadaithe agus tá moill fós ar an dáta oscailte agus leanaí ag fanacht ar chóireáil thábhachtach dá ngortuithe.
Dúirt urlabhraí sláinte Shinn Féin, David Cullinane, gur chomhairligh sé don Aire roimhe seo cur chuige ‘níos mó’ a dhéanamh.
Dúirt sé: ‘Ó bhí an bord os comhair an choiste i mí an Mheithimh seo caite, tá 16 mhí caite.
‘Tá dátaí críochnaithe tagtha agus imithe. Níl seomra singil amháin críochnaithe go dtí an caighdeán cuí.
‘Níl muinín ag éinne go mbainfear amach spriocdháta mhí an Mheithimh.
‘‘Tá airgead breise sínithe ag an gComh-aireacht.
‘Cén fáth, in ainm Dé, ar thóg sé an t-achar sin ama ar an Aire bualadh leis an máthairchuideachta agus an rud a d’iarr mé air a dhéanamh ar feadh an chuid is fearr de dhá bhliain a dhéanamh?’
Dúirt an tUasal Donnelly: ‘Mar Aire, caithfidh mé a bheith cúramach faoi idirghabháil a dhéanamh mar is é ceann de na hiarmhairtí neamhbheartaithe a bhainfeadh le déanamh amhlaidh ná gurbh fhéidir go gceapfadh an conraitheoir nach gcaithfidh sé déileáil leis an mbord a thuilleadh mar go bhfuil rochtain dhíreach aige ar an Rialtas anois.’
Dúirt sé go bhfuil €863 milliún breise in éilimh á lorg ag BAM ón mbord, agus tá sé sin méadú ar €769 milliún ag deireadh mhí Mheán Fómhair na bliana seo caite.
Dúirt urlabhraí don Uasal Donnelly go bhfuil measúnú déanta ar an €750 milliún, agus go bhfuarthas amach nach raibh BAM i dteideal ach €30 milliún den tsuim sin, dar leis an Irish Daily Mail.
Bhí an t-ospidéal ceaptha a bheith críochnaithe i 2020 le buiséad de €650 milliún.
Tá an bille ardaithe go €2.2 billiún agus cuireadh moill air 14 uaire.
Dúirt an tUasal Donnelly go bhfuil Royal BAM ‘ag seasamh leis’ an dáta críochnaithe Meitheamh 2025.
Nuair a fiafraíodh de, áfach, cathain is féidir doirse an ospidéil a oscailt do leanaí, dúirt sé: ‘Creidim go gcaithfimid fócas an-soiléir a choinneáil ar an bhliain seo chugainn.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
