Tá dhá cheann de na cinn scríbe is mó ráchairt in Éirinn cáinte ag scríbhneoir taistil Meiriceánach Rick Steves ina liosta de ‘tourist traps’ na hEorpa.
Chuir an scríbhneoir ó Chalifornia liosta le chéile le déanaí de dheich n-áit Eorpacha le seachaint.
Dúirt sé cé go bhfuil ‘grá’ aige don mhór-roinn, ach gur gá rabhadh a thabhairt do thaistealaithe faoi na ceantair is measa.
Agus dúirt Steves go bhfuil dhá cheann in Éirinn.
Ina léirmheas ar an mbaile mór i gCiarraí, dúirt Steves: ‘Má tá an mí-ádh ort an oíche a chaitheamh i gCill Airne, tuigfidh tú cad atá i gceist agam.
‘Is áit í seo ina gcaitheann formhór na dturasóirí clibeanna ainm (nametags), bíonn plódú tráchta ar bhusanna turais ann.
‘Tá an baile lán de ‘Holiday Inns’ glasa agus ‘outlet malls’ le lucht siopadóireachta brúnna ag lorg seamróga plaisteacha (plastic shamrocks).’
Agus, maidir le Cloch na Blarnan (Blarney Stone) clúiteach i gCorcaigh, dúirt Steves: ‘Is é an rud is fearr faoin radharc bacach (lame sight) seo ná féachaint ar fhear cantalach ag dul i dtreo turasóirí atá ‘lemming-like’ thar an imeall, bolg suas agus aghaidh ar ais, chun an chloch a phógadh agus ceamara uathoibrithe ag togáil ghrianghraif…
‘Tar éis lá de ghrúpaí turas a bheith ag dreapadh suas go míchúramach anseo chun an deasghnátha (ritual) seo a dhéanamh, tá an chloch sclábhaithe le “spit” agus “lipstick”.’ a dúirt Steves.
Ag labhairt dó le ExtraG.ie faoi thuairimí Steves, dúirt Comhairleoir Chiarraí, Brendan Cronin, nach raibh an t-alt ina hiomláine feicthe aige agus níl ‘aithne aige ar an bhfear seo ó Adam’.
‘Is dócha, le bheith dáiríre faoi, níl le déanamh ach teacht isteach i gCill Airne agus breathnú ar na céadta mílte a thagann ann gach bliain.
‘Tá sé sin ann féin ag teacht salach ar a bhfuil á rá aige,’ a dúirt an Comhairleoir Cronin.
‘Tá sé ar cheann de na háiteanna is áille ar domhan agus cinnte gur féidir le duine ar bith tuairim a bheith aige. Mar a bhíodh an seanfhocal: “Níor dhiúltaigh páipéar dúch riamh.”
Dúirt an Comhairleoir Cronin go raibh na tuairimí ó Steves ‘go hiomlán seafóideach’.
Dúirt sé: ‘Uaireanta is maith leis na gasúir seo a bheith conspóideach agus cuireann sé sin clú orthu.
‘Tá an fhianaise ann ón éileamh atá ar an mbaile agus tá áilleacht nádúrtha agus gach rud ann.’
D’aontaigh an Comhairleoir Martin Grady leis agus dúirt sé: ‘Tá gach rud anseo againn.’
Rinneadh teagmháil le Caisleán na Blarnan le haghaidh tuairimí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
