Maraíodh 9 duine ar a laghad – cailín 10 mbliana d’aois san áireamh – agus gortaíodh 4,000 tar éis do ‘pagers’ pléascadh sa Liobáin.
Dúirt an aireacht sláinte (health ministry) sa Liobáin go bhfuil 200 díobh siúd a gortaíodh i riocht criticiúil.
Bhí Iosrael freagrach as na pléascáin, de réir tuarascála sa New York Times.
Deir an tuarascáil gur chuir gníomhairí Iosraelacha ábhar pléascach i bhfolach i mbaisc nua ‘pagers’ a allmhairíodh isteach sa Liobáin ó Taiwan.
Dúradh gur cuireadh in iúl d’oifigigh Mheiriceá agus d’oifigigh eile faoin oibríocht.
Cuireadh thart ar unsa (ounce) nó dhó den ábhar pléascach in aice leis an gceallra (battery) i ngach ‘pager’, a dúirt siad.
Cuireadh lasc (switch) isteach freisin, a d’fhéadfaí a spreagadh go cianda (remotely) chun na pléascáin a dhéanamh.
Ag 3.30pm, am áitiúil sa Liobáin Dé Máirt, fuair na ‘pagers’ teachtaireacht a bhí cosúil le bheith ó cheannaireacht Hezbollah.
Ina áit sin, chuir an teachtaireacht i ngníomh na pléascáin, dúirt na foinsí.
Tharla na pléascanna in áiteanna éagsúla sa Liobáin, áit a bhfuil trúpaí Éireannacha lonnaithe mar choimeádaithe síochána, agus bhí tuairiscí ann gur tharla roinnt díobh sa tSiria
Bhí an cailín óg a maraíodh le ‘pager’ ina iníon de bhall Hezbollah in oirthear Gleann Bekaa na Liobáine.
Gortaíodh ambasadóir na hIaráine (Iran) go dtí an Liobáin freisin, ach ní raibh a ghortuithe tromchúiseacha.
Tá seirbhís rúnda Iosrael i mbun feallmharú ceannairí Hamas agus Hezbollah le blianta fada anuas.
Mar sin féin, léireodh sé seo méadú suntasach ar fhoréigean, agus deir go leor seaneolaithe san iarthar go n-aistríonn sé seo rudaí sa réigiún.
Bhí Hezbollah ag baint úsáide as ‘pagers’ mar mhalairt ar fhóin phóca, ar féidir iad a traiceáil agus a úsáid chun ionsaí diúracáin marfach a aimsiú.
Ba leagan nua iad na ‘pagers’ a phléasc, leagan a rinne cuideachta a bhféadfadh a slabhra soláthair (supply cháin) a bheith i gcontúirt, de réir tuairiscí.
Dúirt Jeanine Hennis-Plasschaert, comhordaitheoir speisialta na Náisiún Aontaithe don Liobáin, gur léirigh na pléascanna ‘pager’ ar fud na tíre ‘ardú mór imníoch i gcomhthéacs atá do-ghlactha cheana féin’.
Chomh maith leis sin, tá aireacht sláinte Gaza tar éis liosta a fhoilsiú de na hainmneacha, aoiseanna, inscne agus uimhreacha aitheantais de 34,344 Palaistíneach a maraíodh ag ionsaithe Iosrael ar an gcríoch.
Palaistínigh nár aithníodh an 7,613 duine eile, as 41,000 a fuair bás.
Áirítear ar liosta na marbh 169 leanbh a rugadh tar éis ionsaithe Hamas ar Iosrael ar an 7 Deireadh Fómhair.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
