Tá ‘rath stairiúil’ á cheiliúradh ag páirtí Alternative für Deutschland (AfD) na Gearmáine, le bua mór ag an bpáirtí i bhfad ar dheis i stát oirthear Thuringia.
Tá Seansailéir na Gearmáine, Olaf Scholz, tar éis áitiú ar pháirtithe eile gan tacaíocht a thabhairt dóibh. D’iarr sé ar gach páirtí ‘firewall’ a thógáil in aghaidh an ghrúpa.
Tá an AfD ainmnithe mar pháirtí antoisceach (extreme) den eite dheis i Thuringia agus sa tSacsain araon, áit ar bhuaigh sé toghcháin.
Gearradh fíneáil roimhe seo ar Björn Höcke, ceannaire AfD i Thuringia, as mana Naitsíoch a úsáid, cé go maíonn sé nach raibh a fhios aige go raibh sé á dhéanamh.
Bhuaigh an AfD beagnach an tríú cuid den vóta, naoi bpointe chun tosaigh ar an CDU coimeádach, agus i bhfad os comhair na dtrí pháirtí rialaithe na Gearmáine.
Is é seo an chéad uair ón dara cogadh domhanda, a bhuaigh páirtí i bhfad ar dheis toghchán réigiúnach sa Ghearmáin.
Chomh maith le críochnú sa chéad áit i Thuringia, áit ar bhuaigh sé beagnach 33% den vóta, chríochnaigh AfD sa dara háit i tSacsain, le 31%.
Agus rinne sé amhlaidh gan aon cheann den straitéis normalaithe atá ag páirtithe comhchosúla a imscaradh sa Fhrainc nó san Iodáil.
Ina áit sin, úsáideann an AfD manaí Naitsíoch agus glaonn siad ‘leacht cuimhneacháin náire (monument of shame)’ ar Chuimhneachán Uileloscadh Bheirlín (Berlin Holocaust memorial).
D’éiligh an AfD go n-áireofaí iad in idirbheartaíochtaí comhrialtais sa dá stát.
Thug na torthaí ansin 31.9% den vóta don CDU, díreach chun tosaigh ar an AfD, arís i bhfad chun tosaigh ar na trí pháirtí atá ag rith an rialtais náisiúnta – na Daonlathaithe Sóisialta, na Glasaigh agus an FDP liobrálach.
Dúirt an Seansailéir Scholz go raibh na torthaí ‘searbh’ agus d’iarr sé ar pháirtithe eile rialtais stáit a chur le chéile gan an AfD.
‘Tá an AfD ag déanamh dochair don Ghearmáin. Tá sé ag lagú an gheilleagair, ag roinnt na sochaí agus ag milleadh cáil na tíre,’ a dúirt sé.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
