Féach ar an bhfíseán: Lá brónach do sheanchairde agus Obama ag iarraidh ar Biden éirí as

‘Give the boss one of those too!’ Cairde agus comhghleacaithe ar feadh na mblianta! Anois tá Obama ag insint do Biden go gcaithfidh sé éirí as, chun a chuid dea-obair a shábháil

Tá faitíos ar Barack Obama go bhféadfadh Trump smacht a fháil ar an uachtaránacht, ar Theach na nIonadaithe agus ar an Seanad –  agus go scriosfadh sé an dea-obair ar fad a rinne Joe Biden.

Mar gheall ar sin tá sé ráite ag Obama, a roghnaigh Joe Biden le bheith ina leasuachtarán leis, gur cheart dó éirí as.

Tuairiscíodh go gcreideann Obama gur cheart do Biden a mheas an cheist seo: An féidir leis an mbua a fháil i gcoinne Donald Trump?

Tá an t-iaruachtarán ag rá le cairde nach féidir le Biden, a bhí ina dhlúthchara dó le hocht mbliana, an bua sin a fháil.

Creideann Obama freisin go ndéanfadh Biden dochar dá chuid oibre féin mar go bhféadfaí an reachtaíocht a tugadh isteach le Biden a bhagairt dá mbuafadh Poblachtánaigh an uachtaránacht, an Teach agus an Seanad.

Ceapann go leor iarrthóirí thar ceann na nDaonlathaithe, ní hamháin go gcaillfidh Biden a iarracht a bheith ina uachtarán, ach go ndéanfaidh sé damáiste freisin d’iarrthóirí Daonlathacha eile.

Creidtear anois go bhféadfadh Biden éirí as an deireadh seachtaine seo.

Is réaltacht na polaitíochta é ach is obair chrua é freisin do Obama, mar a fheicimid sna pictiúir agus sna físeáin seo, a bhfuil an-chion aige ar Joe Biden.

Thuairiscigh an New York Times go bhfuil sé ag éisteacht, ach tá sé ráite aige go dtí seo nach n-éireoidh sé as ach amháin má chuireann riocht míochaine (medical condition) iachall air é sin a dhéanamh.

Mothaíonn Obama, duine de na chéad daoine a thug tacaíocht do Biden tar éis na díospóireachta in aghaidh Trump, ‘cosantach’ faoi Biden, ach léiríonn pobalbhreith go n-éireoidh le Trump in aghaidh Biden.

Tá an-tionchar ag Obama i measc na nDaonlathaithe agus tá sé ar dhuine den bheagán daoine a d’fhéadfadh cur ina luí ar Biden éirí as.

Bhí méadú tagtha ar an mbrú atá ar Joe Biden cheana féin tar éis tuairiscí gur iarr Nancy Pelosi air éirí as.

Mhéadaigh an teannas nuair a diagnóisíodh Biden le Covid agus chuir sé imeachtaí ar ceal ionas go bhféadfadh sé a bheith leis féin ina theach i Delaware.

Ansin thuairiscigh ABC News go ndúirt Chuck Schumer, ceannaire tromlaigh an tSeanaid agus an Daonlathach is sinsearaí sa Chomhdháil, le Biden ag cruinniú Dé Sathairn go mbeadh sé níos fearr don tír agus don pháirtí Daonlathach dá gcuirfeadh an t-uachtarán deireadh lena fheachtas atoghadh.

Mar sin féin, thug urlabhraí thar ceann Schumer ‘tuairimíocht dhíomhaoin’ ar an tuarascáil.

Ach Dé Céadaoin, de réir pobalbhreith nua ABC-Norc bhí beagnach dhá thrian de na Daonlathaithe ag iarraidh go dtarraingeodh Biden siar.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil