Phós Paul Young arís, sé bliana tar éis dó a chéad bhean a chailleadh de bharr ailse inchinne i 2018.
Tá an t-amhránaí, a bhí ina réalta ollmhór sna 1980í, 68 bliain d’aois anois.
Phós sé a fiancée Lorna, as Ros Comáin, i searmanas rómánsach timpeallaithe ag cairde agus a mhuintir.
Ina measc sin bhí Aaron, mac Lorna, ar iarradh air óráid an finné fir (best man) a thabhairt, agus de réir a mhamaí, bhí sé ‘an chaint is fearr dá raibh againn riamh’.
Bhí Lorna go hálainn ar an lá agus í ag croitheadh a bouquet san aer nuair a bhí sí féin agus Paul ag fágáil oifig na clárlainne (registry Office) i Londain.
Bhí a gúna ‘strappy’ le dearadh brocade bláthanna agus bhí v-mhuineál domhain air, chomh maith le scoilt chun tosaigh an sciorta.
Chaith Lorna a gruaig fhionn cuachta (curled) i dtonnta maisithe le bláthanna.
Bhí Paul ‘dapper’ ar a lá speisialta i gculaith ghorm agus carbhat copair.
Bhí cuma an-áthas ar an lánúin agus iad faoi chith confetti ag a n-aíonna.
Dúirt Lorna: ‘An lá is sona riamh! Phós mé inniu an fear is iontach ar domhan. Tá grá agam duit Paul agus ní féidir liom fanacht chun an chuid eile de mo shaol a chaitheamh in éineacht leat.’
D’fhreagair Paul: ‘Seo libh Bean Young nua! Phós mé inniu an cailín is iontach… go raibh maith agat a Lorna, seo ceann de na laethanta is sona i mo shaol.’
Bhí Paul pósta roimhe seo leis an mainicín Stacey Smith, ar bhuail sé léi nuair a bhí sí san fhíseán le haghaidh Come Back And Stay i 1983.
Phós Paul agus Stacey ceithre bliana ina dhiaidh sin agus bhí triúr leanbh acu, iníonacha Levi, 36, Layla, 29 agus a mac Grady Cole, 27.
Scar siad ar feadh tamaill i 2006 agus chuaigh Stacey ar aghaidh le mac eile Jude a bheith aici leis an bhfear gnó Iosraelach Ilan Slazenger.
Trí bliana ina dhiaidh sin tháinig siad ar ais le chéile arís agus d’fhan siad le chéile go dtí bás tragóideach Stacey i 2018
Dúirt Paul leis an Irish Daily Mail roimhe seo nach raibh sé ag súil go bhfaigheadh sé grá a fháil arís.
Dúirt sé: ‘Ní raibh mé ag súil go dtarlódh sé seo – ní raibh ceachtar againn ag siúl leis, ach ba mhór an t-iontas gur éirigh linn chomh maith agus chomh gasta sin.
‘Bhí cónaí orainn in aice lena chéile ach ní raibh aithne againn ar a chéile, bhí duine amháin i gcoiteann againn agus dúirt sé: ‘Ba cheart duit bualadh le Lorna mar tá sí an-chosúil leatsa agus mura bhfuil aon rud eile agat tá sé sin i gcoiteann agat.
‘Ach ba mhó i bhfad é ná sin,’ arsa Paul.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
