Is iad máthair, a hiníon óg agus fear ina 50idí na básanna is déanaí ar bhóthair in Éirinn, tar éis dhá thimpiste; ceann i Maigh Eo agus ceann san Iarmhí (Westmeath) Dé Máirt.
Dúirt Gardaí go raibh an bhean, Aisling Moore, a bhí ina 40idí agus a bhí mar thiománaí an ghluaisteáin, agus a hiníon Abbigael Moore-Tourniéina, gortuithe marfacha i dtimpiste bhóthair le leoraí, díreach roimh 6pm Dé Máirt, i gCo Mhaigh Eo.
Ní raibh an cailín Abbigael ach ocht mbliana d’aois.
Uair an chloig ina dhiaidh sin fuair fear ina 50idí bás nuair a chuaigh a charr den bhóthar isteach i díog i gCo. na hIarmhí.
Tugann a mbásanna líon na mbásanna ar na bóithre go 96 i mbliana – sin 11 níos mó ná an t-am céanna anuraidh.
Creidtear gur as lár Co. Mhaigh Eo Aisling Moore agus a hiníon Abbigael Moore-Tournié.
Tugadh tiománaí an leoraí go dtí an t-ospidéal le gortuithe a tuigeadh nach raibh bagrach don bheatha, a dúirt Gardaí.
Go gairid tar éis 9pm oíche Dé Máirt, dheimhnigh Gardaí go raibh siad ag láthair na timpiste bhóthair , i Lios Mearáin (Lismoran), Béal Easa (Foxford), Co. Mhaigh Eo.
Dúirt urlabhraí gur tharla an timpiste, ina raibh carr agus leoraí, thart ar 5.45pm ar an N26 ó Bhéal Easa go Béal Átha na Muice (Swinford).
Ba é an fear i dtimpiste bhóthair na hIarmhí an t-aon duine a bhí sa charr, agus fógraíodh go raibh sé marbh ag an láthair ar an R395 ag Tamhrevagh, Baile na gCros (Castlepollard).
I measc na mbásanna i dtimpiste bhóthair go dtí seo i mbliana tá 20 coisí, 33 tiománaí, agus os cionn 20 paisinéir.
Ní fada ó thimpiste Mhaigh Eo, fuair fear ina 80idí a bhí ag tiomáint cuadrothair (quad bike), bás Dé Domhnaigh in eachtra ar Oileán Acla.
Bhí Michael Gallagher, 87, as San Francisco, ag tabhairt cuairte ar theaghlach sa cheantar nuair a chaill sé smacht ar an cuadrothair a bhí á thiomáint aige agus d’fhág sé an bóthar in aice le Purteen Bay.
Fógraíodh go raibh sé marbh ag an láthair agus aistríodh a chorp go hOspidéal Ollscoile Mhaigh Eo.
Ba é sin an dara bás a bhain le cuadrothar in Éirinn le seachtain anuas.
Dé Máirt seo caite, fuair buachaill 14 bliain d’aois bás tar éis timpiste cuad i gCo. Dhoire.
Bhain Isaac Roxborough, ó Burnfoot, Dún Geimhin, gortuithe marfacha tar éis an imbhualadh lasmuigh de shráidbhaile Eglinton.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
