Is í Pippa Hackett, atá ag seasamh le bheith ina ceannaire ar an gComhaontas Glas (Green Party), an duine is measa ó thaobh vótáil de sa Seanad i mbliana, dar leis an Irish Mail on Sunday.
Níor vótáil Ms Hackett, a bhfuil an-tóir uirthi le bheith mar an chéad cheannaire eile, ach faoi dhó sa chéad sé mhí den bhliain seo.
Is é an tAire Rialtais Roderic O’Gorman a príomh-iomaitheoir ag Hackett don cheannaireacht.
Tá siad sa chomórtas chun áit Eamon Ryan a ghlacadh, atá ag éirí as oifig mar atá leascheannaire an pháirtí Catherine Martin.
Léirigh Ms Hackett an tríú figiúr is ísle don tréimhse chéanna i 2023, agus níor vótáil sí ach 16 uaire sa bhliain seo caite.
Chuir lucht tacaíochta Ms Hackett, atá ina hAire Stáit le freagracht as úsáid talún agus atá ina suí sa Chomh-Aireacht, an milleán ar a cuid oibre mar Aire.
Dúirt iomaitheoir (rival) polaitiúil amháin atá ag Hackett, áfach: ‘Tá sceidil ghnóthach ag airí sinsearacha na Comh-Aireachta agus éiríonn leo vótáil sa Dáil ar bhealach éigin.’
Tá an vótáil i measc an 4,000 ball den Chomhaontas Glas le bheith ar siúl idir Déardaoin agus Dé Domhnaigh, agus torthaí an chomórtais cheannaireachta le fógairt Dé Luain seo chugainn, 8 Iúil.
Is iad na hiarrthóirí don leas-cheannaire ná Neasa Hourigan, Róisín Garvey agus Ossian Smyth.
Cé go bhfuil an vótáil is ísle sa Seanad sa chéad leath den bhliain ag Ms Hackett, ní hí an t-aon Seanadóir a bhíonn as láthair go minic ón vótáil.
D’éirigh le tuairim is leath de bhaill Sheanad Éireann (30) freastal ar níos mó ná 50% de na 36 ballóid idir Eanáir agus deireadh na míosa seo, agus na Glasaigh agus Sinn Féin is measa.
Is iad Seanadóirí Fhianna Fáil agus Fhine Gael atá ar bharr an tábla vótála, ag áitiú na chéad naoi n-áit. Tá Seanadóir de chuid an Chomhaontais Ghlais Vincent P Martin sa 10ú háit.
Tá Sharon Keogan agus Gerard Craughwell, seanadóirí neamh-Rialtais, sa 13ú háit.
Is é an seanadóir de chuid Sinn Féin is airde céim ná Fintan Warfield, a tháinig sa 23ú háit.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
