Tá ainm a linbh nua curtha suas ag réalta na meáin shóisialta, Joe Wicks, ach d’fhág sé go raibh roinnt lucht leanúna ag ceistiú a rogha!
Chuir an cóitseálaí coirp – a bhain cáil amach trí fhíseáin oidis 15 nóiméad (15-minute recipes) a phostáil ar na meáin shóisialta – fáilte roimh bhuachaill beag lena bhean Rosie Jones, an 17 Meitheamh.
7 lb 13 unsa a mheáigh an leanbh. Agus bhí mamaí agus leanbh sláintiúil, mar sin ba é an chéad rud eile a bhí le déanamh ag na tuismitheoirí ná ainm a phiocadh – is ag an am sin a thosaigh an trioblóid.
Tá Wicks – a d’fhás a bhranda le bheith ar cheann de na cuntais aclaíochta is mó a leantar ar Instagram agus YouTube – anois ina athair do cheathrar leanaí le Rosie.
Is tuismitheoirí iad cheana féin do mhac eile, Marley, agus dá n-iníonacha Leni agus Indie.
Chuir Wicks fáilte leis an leanbh nua chuig an teaghlach i bpictiúr dá leanaí go léir ina suí ar bhinse adhmaid, agus an leanbh nua ag an duine ba shine. Scríobh sé san fhotheideal: ‘Indie, Marley, Leni & Dusty’.
D’fhéadfadh gur spreag ceol tíre nó scannáin ‘Westerns’ ainm an linbh mar gur roinn sé emoji den hata buachaill bó tar éis an t-ainm Dusty.
Ní raibh an t-ainm Dusty an-tógtha le cuid dá lucht leanúna, áfach, agus scríobh duine amháin: ‘Love ya Joe but come on! Dusty?’
Dúirt duine eile le Wicks: ‘Tá do pháistí go hálainn agus is breá liom na hainmneacha go dtí seo ach … níl mé chomh cinnte faoi Dusty. Tá súil agam nach mbeidh fuath aige do nuair a bheidh sé ag éirí aníos.’
D’aontaigh an tríú duine ag rá: ‘Dusty!! Nílim cinnte an dtabharfaidh sé buíochas duit as sin nuair a bheidh sé níos sine’.
Ach thaitin rogha na n-ainm le go leor eile, agus scríobh duine amháin: ‘Dusty Wicks is now my fave celeb name.’
Tháinig Dusty isteach sa saol nuair a bhí toircheas (pregnancy) deacair ag Rosie agus bhí faitíos ollmhór ar an lánúin i mí Feabhra, nuair a bhí uirthi ‘appendectomy’ a fháil.
Buíochas le Dia d’fháiltigh sí roimh bhuachaill sláintiúil agus b’fhéidir go bhfuil an lánúin fós ag iarraidh a dteaghlach a leathnú amach anseo mar a dúirt siad roimhe seo go bhfuil seisear leanbh uathu.
Tá Wicks agus Rosie le chéile ó 2016 agus phós siad in 2019.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
