Tá sé ráite ag an Tánaiste Micheál Martin go bhfuil smachtbhannaí in aghaidh Iosrael pléite ag airí gnóthaí eachtracha (foreign ministers) an Aontais Eorpaigh mura gcloíonn siad leis an gCúirt Bhreithiúnais Idirnáisiúnta (Internaitonal Court of Justice) .
Léirigh sé a thuairimí tar éis d’ambasadóir Iosrael go Baile Átha Cliath bagairt a dhéanamh do gheilleagar na hÉireann.
Chomh maith leis sin, labhair an Taoiseach Simon Harris faoi fhíseán ar na meáin shóisialta a dhírigh ar a theaghlach tar éis d’Éirinn bogadh chun aitheantas a thabhairt do stát na Palaistíne.
Dúirt sé, áfach, nach féidir é a chur ‘i gcomparáid leis an méid atá ag tarlú do pháistí na Palaistíne’.
Tabharfaidh Éire aitheantas don Phalaistín mar stát Dé Máirt.
Tá méadú ag teacht ar líon na n-eagraíochtaí agus na dtíortha atá ag cáineadh na n-ionsaithe ar mhuintir na Palaistíne i nGaza ag dul i méid i gcónaí.
Cháin dhá chúirt idirnáisiúnta, a bhfuil ardmheas orthu, gníomhartha Iosrael – an Chúirt Bhreithiúnais Idirnáisiúnta agus an Chúirt Choiriúil Idirnáisiúnta (International Criminal Court) – áfach, d’fhreagair Iosrael trí na cúirteanna a cháineadh.
Tá freagra tugtha ag Iosrael freisin á cáineadh siúd a dúirt go n-aithneoidh siad Stát na Palaistíne mar bhealach chun seans na síochána a choinneáil beo sa cheantar trí réiteach dhá stát a aimsiú.
Tá éileamh déanta ag an Ambasadóir Dana Erlich go mbeidh geilleagar na hÉireann thíos leis mar go bhfuil Rialtas na hÉireann chun tosaigh sa ghluaiseacht idirnáisiúnta is déanaí ar son na síochána.
Mhaígh sí go bhfuil an teachtaireacht mhícheart (wrong message) á sheoladh faoi Éirinn mar mhol teicneolaíochta (tech hub) agus go bhfuil sé sin ag cur imní ar infheisteoirí Iosraelacha in earnáil seirbhísí IT na hÉireann.
Bhí sí ag labhairt in Iarúsailéim, áit a raibh comhairliúcháin le hAireacht Gnóthaí Eachtracha aici tar éis di a bheith aisghairthe (recalled) as Éirinn mar agóid.
In ainneoin a bagairt do gheilleagar na hÉireann, dúirt Ms Erlich go bhfuil súil aici filleadh ar Éirinn.
In ionad géilleadh don bhagairt, áfach, d’áitigh an tAire Gnóthaí Eachtracha Micheál Martin gur cheart don Aontas Eorpach a chinntiú go mbeadh meas ag Iosrael do chinneadh na Cúirte Breithiúnais Idirnáisiúnta.
Dúirt sé go raibh smachtbhannaí pléite acu agus go dtacódh Éire lena leithéid de chur chuige.
Bhí sé ag labhairt sa Bhruiséil tar éis cruinniú d’airí gnóthaí eachtracha an Aontais Eorpaigh a raibh airí Arabacha in éineacht leo.
Dúirt an tUasal Martin gurbh é an chéad chruinniú d’airí gnóthaí eachtracha an Aontais Eorpaigh é nuair a chonaic sé ‘plé suntasach ar smachtbhannaí’.
Agus mar fhreagra díreach ar an Ambasadóir Erlich, dúirt an Taoiseach an tUasal Harris: ‘I think it’s a distraction, quite frankly.’
Nuair a fiafraíodh dó, ar chreid sé go raibh Ms Erlich ag bagairt ar Éirinn le díoltas eacnamaíoch as a chinneadh aitheantas a thabhairt don Phalaistín trína chuid tuairimí, d’fhreagair an tUasal Harris: ‘Is féidir leis an ambasadóir a rá cad ba mhaith leis an ambasadóir a rá.
‘Is tír í seo a chloíonn le noirm taidhleoireachta (diplomatic norm), agus a chaitheann le meas ar ambasadóirí.
‘Is cinnte nach ndéanann muid paráid ambasadóirí os comhair ceamaraí teilifíse ina ndéantar físeáin a sheinm le scannáin uafáis. Leanfaimid orainn ag caitheamh le gach ambasadóir le meas.’
Dúirt sé freisin: ‘Creidimid i stát Iosrael agus i stát na Palaistíne, ag maireachtáil taobh le taobh i síocháin.
‘Agus creidimid é ag am nuair a bhíonn daoine eile ag iarraidh buama a dhéanamh.’
Tá cáineadh láidir déanta ag Rialtas na hÉireann ar ghníomhartha Hamas agus arm Iosrael le linn an chogaidh reatha.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
