Réalta Princess Diaries, Heather Matarazzo, anseo le haghaidh an Tayto agus Cadbury’s Dairy Milk

18/05/2024

Is Éireannach é athair breithe Heather agus beidh sí ag obair in Éirinn ina ról sa tsraith Netflix, Wednesday, a thosóidh ag scannánú go luath

Bhí Heather Matarazzo ag caint faoin ngrá atá aici do Tayto – nó Otyat, mar atá sa phictiúr – nuair a shroich sí Baile Átha Cliath an tseachtain seo.

Agus tá áthas ar réalta Princess Diaries a bheith anseo.

Tá íocón na 90í, a bhí i ról Lilly Moscovitz sa tsraith scannán Princess Diaries, anseo chun tús a chur le scannánú don dara séasúr den tsraith de chuid Netflix, Wednesday.

Bhí Heather i ról Lilly Moscovitz sa tsraith scannán Princess Diaries
Bhí Heather i ról Lilly Moscovitz sa tsraith scannán Princess Diaries

Tá gaol ar leith ag Heather le hÉirinn toisc gur Éireannach é a hathair breithe (birth father).

Ar TikTok an tseachtain seo, roinn an réalta físeán óna leaba óstán, áit ar thaispeáin sí a sneaiceanna go léir ó thuras go siopa áitiúil le déanaí.

Bhain Heather sult as paca cheese & onion Tayto chomh maith le barra Dairy Milk clasaiceach.

‘Táim chomh buíoch as a bheith in Éirinn, fiú má mheastar mé mar “blow in” nó “Plastic Paddy” a scríobh an t-aisteoir sa cheannteideal.

‘Oícheanta tábhairne Guinness le teacht go luath … cá háit ar cheart dom dul i mBaile Átha Cliath? Tá roinnt spotaí curtha ar fáil ag @The Irish Gem cheana féin a bhuíochas dá bhfíseáin iontacha. Cad a deir sibh?’

Bhí lucht leanúna Heather tapa ag tabhairt a moltaí.

‘Déarfainn fáilte go hÉirinn, ach is cosúil go bhfuil na bunghnéithe (basics) ar fad clúdaithe agat cheana féin le Tayto & Dairy Milk! Tá súil agam go bhfuil tú ag baint sult as!’ a scríobh lucht leanúna amháin.

‘Fáilte abhaile,’ a dúirt duine eile i nGaeilge.

Tá gaol ar leith ag Heather le hÉirinn toisc gur Éireannach é a hathair breithe (birth father)
Tá gaol ar leith ag Heather le hÉirinn toisc gur Éireannach é a hathair breithe (birth father)

‘Ó d’éirigh leat teacht abhaile,’ arsa duine eile.

Agus í ar Ireland AM i 2022, labhair Heather faoin mbealach aisteach a d’aimsigh sí a fréamhacha Éireannacha.

Cuireadh an réalta Disney faoi chúram altrama nuair a bhí sí dhá bhliain d’aois agus uchtú (adopted) go hoifigiúil í nuair a bhí sí cúig bliana d’aois.

‘Dúradh liom i rith mo shaol ar fad go raibh m’athair bhreithe marbh agus nuair a d’aimsigh mé mo mham breithe i 2005 dúirt sí liom freisin go raibh m’athair marbh.

‘Nuair a fuair sí bás i 2007 bhí go leor rudaí ar siúl liom.’

Dúirt sí go dtagann cara maith léi ó theaghlach saibhir ó Dallas agus go raibh síceach (psychic) acu.

Mhínigh Heather: ‘Ní raibh uaim ach a fháil amach cá raibh m’athair breithe curtha (buried).

‘Agus dúirt an bhean seo liom “Ó níl sé marbh. Tá sé beo agus i bhfad níos dlúithe ná mar a cheapann tú”.’

Le sin níorbh fhéidir leis an aisteoir ach smaoineamh ar an bhféidearthacht go mbeadh a hathair fós beo.

Mheas sí go raibh sí beagán craiceáilte ar dtús nuair a rinne sí teagmháil le bleachtaire príobháideach (private detective) a chabhraigh léi teacht ar a mháthair bhreithe.

Níos lú ná 24 uair an chloig ina dhiaidh sin fuair sí glao gutháin, agus dúirt an fear: ‘Hello Heather, seo do dhaidí breithe, Patrick.’

Dúirt sí: ‘Bhí sé 20 nóiméad uaim sa Bronx.’

Bhog a hathair ar ais go hÉirinn níos déanaí agus tugann Heather cuairt air anseo chun bualadh lena teaghlach Éireannach.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram