Seo é a bheidh in áit an Late Late Show oíche hAoine

13/05/2024

Tá an samhradh anseo agus mar sin tá Patrick Kielty ag glacadh sos trí mhí ón Late Late Show. Mar sin seo a bheidh ag teacht, agus seo an méid a dúirt sé faoina chéad séasúr mar láithreoir

D’fhógair RTÉ na cláir shiamsaíochta a bheidh in áit an Late Late Show an tseachtain seo, tar éis do Patrick Kielty a chéad séasúr iomlán a chríochnú mar láithreoir an chláir chainte íocónach.

In éineacht le Kielty oíche Dé hAoine seo caite bhí réalta  Riverdance Michael Flatley, an ceoltóir traidisiúnta Matt Molloy, roinnt réalta de chuid na Young Offenders agus buaiteoir an Eurovision Paul Harrington.

Fógraíodh gurb é Kielty an cheathrú láithreoir ar chlár RTÉ i mí na Bealtaine anuraidh, ag glacadh seilbhe ar Ryan Tubridy.

Le linn a chéad séasúr, chuir sé agallamh ar aíonna, ina measc Paul Mescal, Conan O’Brien agus Vogue Williams.

In ionad an Late Late Show ar Dé hAoine beidh an scannán Mrs Brown's Boys D'Movie
In ionad an Late Late Show ar Dé hAoine beidh an scannán Mrs Brown’s Boys D’Movie

Mar sin féin, agus an Late Late Show críochnaithe go dtí mí Mheán Fómhair, fágtar RTÉ gan a gclár móréilimh ar feadh na dtrí mhí amach romhainn.

Ina áit sin, tá an chuma ar an scéal go mbeidh RTÉ a hAon  ag craoladh rogha scannán oícheanta Dé hAoine go dtí go dtiocfaidh Pádraig agus an Late Late Show ar ais óna laethanta saoire.

Is é an chéad cheann de na scannáin seo ná Mrs Brown’s Boys D’Movie, le Brendan O’Carroll, atá deich mbliana d’aois i mbliana.

Dóibh siúd nach bhfaca é, tá Mrs Brown ag troid sa scannán chun a stalla margaidh i mBaile Átha Cliath a choinneáil in aghaidh an fhorbróra (developer) neamhscrupallacha (unscrupulous), le Pat Shortt sa ról sin, agus drongadóirí (gangsters) na Rúise.

In ainneoin a bheith cáinte ag go leor léirmheastóirí scannán, is é Mrs Brown’s Boys D’Movie an scannán Éireannach a bhfuil an méid is mó airgid déanta aige riamh in Éirinn ar an lá oscailte.

Idir an dá linn, agus é ag críochnú a chéad séasúr ag cur an Late Late Show i láthair, dúirt Kielty gur ‘áthas ar feadh an tsaoil (the joy of a lifetime)’ a bhí ann dó.

‘Nuair a shiúil mé amach anseo den chéad uair i mí Mheán Fómhair seo caite, dúirt mé gur onóir ar feadh an tsaoil a bhí ann an post seo a dhéanamh,’ a dúirt sé faoin Late Late Show.

Patrick Kielty ar sos ón Late Late Show
Patrick Kielty ar sos ón Late Late Show

‘Tar éis naoi mí de shuí sa chathaoir seo tá a fhios agam anois gurb é áthas an tsaoil é agus is é sin mar gheall ar gach duine a oibríonn ar an seó seo agus go príomha mar gheall ar gach duine agaibh a mbíonn ag breathnú air sa bhaile.

‘An bealach ar chuir sibh fáilte romham, chuir sé áthas an domhain ormsa, mar sin go raibh maith agaibh as teacht isteach agus as a bheith chomh cineálta.

‘Bíodh samhradh iontach agaibh, feicfidh mé san fhómhar sibh,’ ar seisean.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram