Búdaithe (Buddhists) ar buile – agus daoine eile freisin, faoi fheirm ghaoithe

Deir grúpa pobail, ionad de chuid na mBúdaíoch agus scoil áitiúil go gcuirfidh an fheirm ghaoithe isteach ar a saol síochánta

Tá pleananna faoi fheirm ghaoithe le 11 tuirbín mhór a thógáil ina bhagairt shuntasach do ‘thearmann síochánta’ ag ionad ciúin de chuid Búdaithe, dúirt siad.

Níos luaithe i mbliana, chuir Ørsted Onshore Ireland Midco Ltd, pleananna isteach leis an mBord Pleanála le haghaidh feirm ghaoithe le 11 tuirbín ar shuíomh 9km ó thuaidh de chathair Luimnigh agus 4.7km ó Dhroichead Abhann Ó gCearnaigh (Sixmilebridge) i gCo. an Chláir.

Sunyata Buddhist Retreat Centre
Sunyata Buddhist Retreat Centre

Tá agóid curtha isteach ag an 12 O’Clock Hills Community Group, áfach, i gcoinne an phlean.

Tacaíonn an grúpa le gníomhaíochtaí fóillíochta agus oidhreachta lena n-áirítear an Sunyata Buddhist Retreat Centre, ag Inis Snáite (Snaty, Sixmilebridge).

Cuireann an Sunyata Buddhist Retreat Centre tearmainn  le chéile agus deir siad go meallann siad na mílte duine gach bliain.

Is ‘ionad ciúin ríthábhachtach é le haghaidh tearmann  agus machnaimh agus tá ról suntasach aige sa phobal trí thearmann suaimhneach a sholáthar do dhaoine aonair atá ag iarraidh fás spioradálta agus pearsanta a fháil’.

Agus mar gheall air sin deir siad go bhfuil ‘an cur isteach a d’fhéadfadh a bheith ann ón bhforbairt feirme gaoithe a bheartaítear, trí thorann mínádúrtha nó suaitheadh amhairc, ina bhagairt shuntasach ar chumas Sunyata tearmann síochánta a thairiscint’.

Deir an agóid ‘is léir go mbeadh tabhairt isteach struchtúir mhóra thionsclaíocha i gcodarsnacht mhór leis an gconair forbartha seanbhunaithe a bhfuil luach aici ar chomhréiteach, ar áilleacht nádúrtha agus ar leas an phobail’.

Tá gníomhaireacht tráchtála fostáit (semi-state), AirNav Ireland agus Aerfort na Sionainne ag cur i gcoinne na feirme gaoithe freisin.

Tá agóid déanta ag an mbeirt freisin i gcoinne feirm ghaoithe i mBaile an Charthaigh (Ballycar) in oirdheisceart an Chláir.

Dúirt Aonghus O’Brien, príomhoide Broadford and Kilbane National School, freisin go bhfuil imní air faoin tionchar a bheidh ag an bhfeirm ghaoithe ar an scoil.

Tacaíonn an grúpa le gníomhaíochtaí fóillíochta agus oidhreachta lena n-áirítear an Sunyata Buddhist Retreat Centre, ag Inis Snáite (Snaty, Sixmilebridge)
Tacaíonn an grúpa le gníomhaíochtaí fóillíochta agus oidhreachta lena n-áirítear an Sunyata Buddhist Retreat Centre, ag Inis Snáite (Snaty, Sixmilebridge)

Dúirt sé leis an mBord Pleanála in aighneacht: ‘Táimid fíorbhuartha go mbeidh tionchar diúltach ag torann ar na páistí inár scoil a bhfuil deacrachtaí céadfacha (sensory) acu.’

Dúirt urlabhraí de chuid Ørsted: ‘Tá Ørsted ag iarraidh a bheith ina chomharsana maithe sna pobail ina ndéanaimid tionscadail a fhorbairt agus a fheidhmiú.

‘Táimid tiomanta do chearta na bpobal áitiúil a urramú chun a n-imní a chur in iúl, agus dul i mbun comhphlé.’

Dúirt sí, maidir le feirm ghaoithe Ghort an Choirce, go bhfuil Ørsted ag ‘ullmhú freagraí faoi láthair, agus cuirfear iad seo ar fáil don Bhord Pleanála de réir an phróisis pleanála’.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

Léigh Níos Mó

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram