Craic sa chathair! Lá Mor na Gaeilge ar Dé Domhnaigh, i mBaile Átha Cliath

Tá féile sráide na Gaeilge ar ais le go leor imeachtaí, ceoil agus spraoi – agus an margadh – i Margadh na Feirme an lá ar fad

Tar éis rath na bliana seo caite, tá Lá Mór na Gaeilge ag teacht ar ais go Baile Átha Cliath an deireadh seachtaine seo.

Táthar ag súil go mbeidh an fhéile shráide Ghaeilge, i gcroílár Chathair Bhaile Átha Cliath, ina ceiliúradh fuinniúil ceoil, spraoi agus faisnéise – le neart gníomhaíochta, ar Dé Domhnaigh seo, 28 Aibreán.

An Phalaistín & an Pobal Gaeilge. Ó Sumud go Saoirse – Frithbheartaíocht Chultúrtha sa Phalaistín agus in Éireann le caint agus ceol: CLICEÁIL ANSEO

Tá an oiread sin ar siúl, do leanaí, do dhéagóirí agus do dhaoine fásta, mar sin is é mo chomhairle ná, féach ar an liosta imeachtaí agus roghnaigh na cinn ar mhaith leat dul chucu.

Tá an t-eolas ar fad ar shuíomh Gréasáin Bhaile Átha Cliath le Gaeilge: CLICEÁIL ANSEO

Ar ndóigh, in ionad é sin a dhéanamh, éist leis an gceol, buail isteach i gcúpla imeacht – agus bí ag spaisteoireacht timpeall an mhargaidh áit a mbeidh gnóthaí Gaeilge ag soláthar bia agus earraí éagsúla.

Baineann Lá Mór na Gaeilge leis an chraic agus tá sé dírithe orthu siúd a bhfuil cúpla focal acu, iad siúd le ‘school Irish’ agus iad siúd atá líofa – mar sin is é téama na bliana seo ná:  An Ghaeilge, Lig Isteach Í – Let Irish In!

Mythbusting Gaeilge: Ag tabhairt faoi mhiotais na Gaeilge agus ag cur na fírinne amach ansin – Busting myths surrounding the Irish language. Le Colm Ó Broin. CLICEÁIL ANSEO

Tá sé eagraithe ag Baile Átha Cliath le Gaeilge, craobh de Chonradh na Gaeilge i gcomhpháirtíocht le Comhairle Cathrach Bhaile Átha Cliath agus beidh sé ar siúl idir 12 meán lae agus 5pm Dé Domhnach.

Bhí imeacht na bliana seo caite i gCearnóg Pharnell ach i mbliana tá níos mó spáis fós ar fáil ag Cearnóg Margadh na Feirme (Smithfield) – díreach in aice le stad Luas.

Tá an Cobblestone, an teach tábhairne clúiteach ceoil thraidisiúnta, a shábháil pobal ceoil Bhaile Átha Cliath é, ann.

Agus is amhlaidh atá Pictiúrlann an Lighthouse, a bheidh ag taispeáint an scannáin Puffin Rock agus Cairde Nua ag 12 meán lae Dé Domhnach mar chuid d’fhéilte Lá Mór na Gaeilge. CLICEÁIL ANSEO  

Cad atá ar siúl?

Ardán Mór

12:00 – 13:00
Seó Tallainne le Bunscoileanna
13:00 – 14:00
Cath na mBannaí
14:00 – 15:00
Louise Mulcahy agus Cairde
15:15 – 15:45
“Tadhg”
16:00 – 16:15
Danny O’Reilly ó The Coronas
16:15 – 17:00
Ispíní na hÉireann

Puball Lig Isteach Í

12:15 – 13:00
Ceardlann Óga Yoga le teaghlaigh
13:15 – 14:15
Mythbusting le Colm Ó Broin
14:15 – 15:15
Ceardlann Bodhrán Buzz
15:15 – 16:15
Geandáil Ghasta Chairdiúil leis Na Gaelgals

Puball Plé

12:00 – 13:00
Ceardlann Amhráin na bhFiann
13:00 – 14:00
Céad Míle Fáilte – Malartú Cultúrtha
14:00 – 15:30
An Phalaistín & an Pobal Gaeilge
15:30 – 16:30
Amhránaithe an Chlub

Spás Teaghlaigh

12:30 – 13:00
Draíocht le Quentin
13:00 – 13:30
Sorcas Fanzini
13:30 – 14:00
Ainmhí Balúin le Giggles
14:00 – 14:45
Léitheoireacht Dátheangach le Tarsila Kruse
15:00 – 15:45
Taispeántas Craiceáilte le Guido
16:00 – 16:30
Seó Spéisiúil le Quentin

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil