Tá La Rochelle ag ullmhú roimh am dá gcluiche ceathrú ceannais Chorn na Seaimpíní in aghaidh Laighean (Leinster), le borradh faoi The Fields of Athenry.
Tá foireann na Fraince in Éirinn cheana féin roimh an gcomórtas mór Dé Sathairn.
Bhí foireann Ronan O’Gara in aicsean in aghaidh na Stormers san Afraic Theas an deireadh seachtaine seo caite sular éirigh leo casadh gasta a dhéanamh agus taisteal go Corcaigh – áit a bhfuiltear ag súil go bhfanfaidh siad in Óstán agus ionad saoire cúig réalta, Fota Island, ón gCéadaoin.
Roimhe sin, chonacthas an scuad ag taisteal trí Chorcaigh ar bhus foirne, agus nascaire (lock) na hÉireann Ultan Dillane ag dul chuig na meáin shóisialta chun cuid dá raibh ag tarlú a roinnt.
Ar Instgaram, roinn Dillane físeán ag taispeáint cuid dá chomhghleacaithe agus The Fields of Athenry ag seinm go glórach sa chúlra.
Cé nach raibh liricí uile an amhráin chlasaicigh ar eolas ag formhór na foirne, bhí aoibh gháire ar Ihaia West agus nascaire eile Will Skelton.
Arna scaoileadh i 1979, tá The Fields of Athenry nasctha go dlúth leis na foirne náisiúnta le himeacht na mblianta.
Is minic a chanann lucht leanúna na Mumhan a gcuid aithrisí féin le linn na gcluichí baile i bPáirc Thuamhan agus canann lucht tacaíochta na foirne náisiúnta leagan spreagúil i Staid Aviva i gcónaí.
Canadh an t-amhrán freisin i gcluiche ceannais La Rochelle i gcoinne Toulouse i 2021.
Beidh cluiche an tSathairn ar an dara huair a bheidh na foirne in aghaidh a chéile an tséasúir seo, agus Laighean ag teacht chun tosaigh i gcuairt mhí na Nollag ar an bhFrainc.
Bhuaigh La Rochelle fir Leo Cullen sa dá chluiche ceannais den chomórtas, áfach – agus bua i 2023 san Aviva, mí na Bealtaine seo caite.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
