Ní maith liom Geldof! Éireannach eile á cháineadh ag Louis Walsh

20/03/2024

Tá Louis Walsh ag gearán faoi Éireannaigh ó chuaigh sé isteach i Celebrity Big Brother – agus anois seans go mbuafaidh sé an comórtas.

Tá Louis Walsh ag cáineadh a chomh-Éireannaigh ó chuaigh sé isteach i dteach Celebrity Big Brother.

Thosaigh sé le Jedward, a d’fhreagair trí cháineadh ar Louis. Rinne sé masla ansin ar Ronan Keating, a rinne amhlaidh.

Agus anois tá tuairimí olca á gcur amach aige faoin Éireannach eile – Bob Geldof, a bhfuil cáil air mar gheall ar an amhrán, I Don’t Like Mondays.

Ar chlár na hoíche Dé Máirt de Celebrity Big Brother, dhírigh Louis a aird ar iar-amhránaí Boomtown Rats.

Louis Walsh
Louis Walsh

Agus na hiomaitheoirí (contestants) bailithe le chéile sa chistin, bhí siad ag caint ar amhráin áirithe a bhí eisithe thar na blianta.

Nuair a tháinig an t-ainm Geldof, atá 72 bliain d’aois, aníos, d’fhreagair Louis go dímheasúil: ‘Pfft!’

Fós ina fallaing sheomra (dressing gown), doirt Walsh, atá 71 bliain d’aois, cupán tae dó féin agus ní raibh sé ag coinneáil siar ar cad a cheap sé i ndáiríre faoi Geldof, a bhfuil cónaí sa Bhreatain aige le blianta fada anuas, agus a bailíodh na milliúin euro ar son carthanachta.

‘Bhuel, sílim go bhfuil sé lán de s***,’ a dúirt Louis faoi Geldof, ‘Is as Baile Átha Cliath é. Tá a fhios agam píosaí beaga. Bhí na Boomtown Rats go maith.’

Ghabh a comh-iomaitheoir Marisha Wallace leithscéal leis an gceamara ar eagla go mbeadh Geldof ag féachaint ar an chlár, ach dúirt Louis ansin: ‘I don’t give a f***!’

Tháinig an ráig (outburst) sin tar éis do Louis a dhíbirt a sheachaint an tseachtain seo agus rachaidh sé díreach go dtí an cluiche ceannais anois.

Bob Geldof
Bob Geldof

Is é iarbhainisteoir Westlife agus Boyzone anois an duine chun tosaigh chun an tsraith a bhuachan go hiomlán, dar leis na geallghlacadóirí (bookies).

Ar chlár Dé Luain, chosain an t-iomaitheoir Fern Britton Louis i ngan fhios dó, tar éis do Big Brother ligean di a chreidiúint go raibh sí á chur suas le haghaidh díshealbhaithe (eviction).


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram