Bhí an-chuid daoine ar buile cheana féin mar gheall ar Iosrael a bheith sa Comórtas Amhránaíochta na hEoraifíse (Eurovision Song Contest) agus anois d’fhéadfadh an t-amhrán a bheith caite amach as a bheith ró-pholaitiúil.
Thairis sin, tá sé á thuairisciú nach gcuirfidh siad isteach amhrán eile má tá sé curtha as.
Níl an t-amhrán, October Rain, seolta go fóill ach tugadh liricí d’iriseoirí a deir go bhfuil siad polaitiúil agus go dtagraíonn siad do na gialla a ghlac Hamas, agus na híospartaigh a maraíodh ar an 7 Deireadh Fómhair.
Tá an Eurovision faoi bhrú cheana féin le daoine ag iarraidh cosc a chur ar Iosrael dul isteach ann, mar gheall ar na hionsaithe ar na Palaistínigh in Gaza, díreach mar a cuireadh cosc ar an Rúis mar gheall ar na hionsaithe ar an Úcráin.
Tá na céadta ríomhphost faighte ag RTÉ ag iarraidh air baghcat a dhéanamh ar an gcomórtas mar gheall ar rannpháirtíocht Iosrael.
Tá sé ráite ag iontráil na hÉireann, Bambie Thug, nár cheart ligean d’Iosrael dul san iomaíocht i mbliana mar gheall ar ghníomhartha an stáit in Gaza.
Fágadh an Rúis as an áireamh sa chomórtas in 2022 mar gheall ar ionradh ar an Úcráin agus níor ghlac siad páirt i gcomórtas na bliana seo caite ach an oiread.
Mar sin féin, tá an chonspóid anois faoi na liricí. Deirtear go bhfuil an t-amhrán faoin ionsaí a rinne Hamas ar Iosrael ar 7 Deireadh Fómhair, ag léiriú comhbhrón leis na híospartaigh ach ní le híospartaigh na n-ionsaithe Iosraelach ar Gaza.
Maítear go n-áirítear sna liricí, ‘níl aon aer fágtha le hanálú’ agus ‘ba leanaí maithe iad go léir, gach duine acu’, chomh maith le tagairt a dhéanamh do dhaoine a bhí gafa le linn ionsaithe Hamas.
Tagraíonn an t-amhrán, atá á chanadh ag an Rúis-Iosrael Eden Golan, atá 20 bliain d’aois, freisin do ‘bláthanna’, a deirtear a bheith ina chód míleata do bhásanna cogaidh in Iosrael.
Tá sé ráite ag lucht eagraithe an Eurovision go bhfuil siad ‘ag déanamh grinnscrúdú’ ar na liricí féachaint an bhfuil siad polaitiúil.
Níl ‘October Rain’ eisithe go poiblí ach tuigtear go bhfuil sé curtha chun tosaigh mar iontráil Iosraelach do chomórtas na bliana seo, atá le bheith ar siúl i gcathair Malmo sa tSualainn i mí na Bealtaine.
I ráiteas dheimhnigh an tAontas Craolacháin Eorpach (EBU) go bhfuil sé ag scrúdú ábhar an amhráin agus go raibh sé i dteagmháil leis an gcraoltóir náisiúnta KAN, a bhfuil freagracht air as an iontráil, de réir The Journal.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
