Ómós do Sinéad agus Shane ag na Grammys

06/02/2024

Thug Annie Lennox ómós speisialta do Sinéad O’Connor agus d’iarr sí sos cogaidh in Gaza

Tugadh ómós do Sinéad O’Connor agus do Shane MacGowan ar an stáitse ag na Gradaim Grammy – le moladh mothúchánach ó Annie Lennox.

Chríochnaigh Lennox a hamhrán freisin trí shos cogaidh a iarraidh in Gaza – ach bhí ionadh ar roinnt lucht leanúna nach raibh níos mó ealaíontóirí ag iarraidh síocháin in Gaza freisin.

Annie Lennox ag caint faoi Sinéad O'Connor
Annie Lennox ag caint faoi Sinéad O’Connor

Chan an t-amhránaí, atá 69 bliain d’aois, leagan cumhachtach den amhrán, Nothing Compares 2 U, ag an searmanas i Los Angeles.

Bhí Croí Ró-Naofa (sacred heart) ag Annie ar a muinchille (sleeve) agus bhí deoir óir (golden tear) péinteáilte faoina súile le linn an léirithe.

Agus Annie ag canadh bhí aghaidheanna (faces) na réalta a fuair bás le bliain anuas le feiceáil ar an scáileán taobh thiar di, ina measc Sinéad, a fuair bás i mí Iúil seo caite ag aois 56, agus Shane MacGowan, a fuair bás i mí na Samhna ag 65 bliain d’aois.

Tar éis di críochnú ag canadh, d’ardaigh Annie a dhorn san aer agus d’éiligh sí go gcuirfí deireadh leis an gcogadh i nGaza, ag rá: ‘Ealaíontóirí ar son sos cogaidh, síocháin ar domhan!’

taylor

Chuaigh úsáideoirí na meán sóisialta le X chun a dtuairimí a chur in iúl freisin, le duine amháin ag roinnt: ‘B’fhéidir gurbh é sin an bealach is fearr agus is macánta chun cuimhne ar Sinéad, Annie Lennox ag críochnú amhrán Shinéad O’Connor trí sos cogaidh a mholadh.’

Dúirt duine eile: ‘Meas d’Annie Lennox. Nach mór an trua gur thóg sé chomh fada isteach i séasúr na ngradam seo do dhuine cáiliúil é seo a rá.’

Níorbh é seo an t-aon dráma amháin ag an searmanas bronnta. Bhí Taylor Swift ar dhuine den iliomad ban a bhuaigh duaiseanna ach cáineadh í as gan aitheantas a thabhairt do Celine Dion, a bhronn Gradam Albam na Bliana uirthi.

Mar sin féin, bhí an t-amhránaí díreach gafa i láthair na huaire agus sheas an bheirt ina dhiaidh sin go sona sásta le chéile le haghaidh pictiúr.


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram