Labhair Roy Keane faoi botún a rinne Alex Ferguson nuair a bhí an laoch Manchester United ag fágáil an chlub in 2005.
Chaith Keane breis is deich mbliana le Manchester United – cuid mhaith den am sin mar chaptaen – go dtí gur tháinig deireadh tobann lena ghairm bheatha in Old Trafford.
Bhí coimhlint aige leis an mbainisteoir Alex Ferguson tar éis agallamh cáiliúil le MUTV i mí na Samhna 2005 agus tháinig deireadh lena chonradh trí chomhaontú frithpháirteach (mutual agreement).
Thainig deireadh le ré Keane le Manchester United go tapa agus bíonn iar-chaptaen na hÉireann ag caint faoin scéal go minic, i rith na mblianta.
Tá gné eile curtha leis an scéal ag Keane, atá 52 bliain d’aois, áfach – faoi earráid aisteach a rinne Ferguson agus iar-phríomhfheidhmeannach an chlub David Gill.
Tá sé ráite ag Keane go raibh a imeacht ón bhfoireann socraithe cheana féin sular labhair sé le Ferguson agus Gill fiú, ach ní raibh siad in ann na blianta cearta a luadh agus iad ag caint leis.
‘Go hiondúil ní bhíonn fadhb ar bith agam nuair a insíonn club d’imreoir imeacht – is é sin mar atá sa chluiche ina bhfuilimid,’ a dúirt sé ar Stick to Football.
‘Duit [Ian Wright], shuigh siad síos leat agus bhí comhrá agaibh – domsa, ar a laghad, tá sé sin cineál ómósach (respectful).’
Dúirt sé, áfach, gur glaodh chuig cruinniú é le Ferguson agus Gill, agus sular shuigh sé síos, bhí ráiteas ullmhaithe acu cheana féin.
‘Seo í mo cheist – d’ullmhaigh siad ráiteas cheana féin, agus bhí na blianta mícheart,’ a dúirt sé.
Shínigh Keane do Celtic an mhí dár gcionn sular éirigh sé as an bpeil go hiomlán i samhradh na bliana 2006.
Bhí an rogha ag an iar-imreoir lár páirce, áfach, fanacht sa Premier League tar éis dó tairiscint a fháil ó Everton – tairiscint a bhraith sé go raibh air a dhiúltú.
Dúirt sé: ‘Ba mhaith an rud é Everton ag an am – an áit, agus bhí an-mheas agam ar David Moyes – ach bhraith mé nach raibh mé in ann dul chuig foireann Shasana eile.’
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
