Tá freagra tugtha ag Vogue Williams tar éis dá amhrán nua dul chuige Uimhir a hAon ar chairteacha iTunes na hÉireann – laistigh de 24 uair an chloig ó é a sheoladh.
Dúirt sí go bhfuil sé ‘craiceáilte’ go bhféadfadh sé seo tarlú chomh tapaidh.
Féadfaidh an podchraoltóir agus an láithreoir teilifíse an tidil ‘amhránaí’ a chur uirthi féin anois, tar éis di an singil carthanachta, Good Girls, a sheoladh.
Tuigtear gur scríobh sí é nuair a bhí sí ina cónaí san Astráil.
Shocraigh Vogue, in éineacht lena cara atá ina comh-óstach léi ar ‘My Therapist Ghosted Me’, Joanne McNally, an t-amhrán a sheoladh tar éis an bhfreagairt a fuair siad agus é á léiriú ag a gcuid seónna beo.
Ag tabhairt cuairte ar Instagram ghabh Vogue buíochas le daoine tar éis don amhrán dul go Uimhir a hAon ar chairteacha iTunes na hÉireann.
Téann fáltais uile (all of the proceeds) an amhráin go díreach chuig Unicef Ireland agus Unicef UK.
Tar éis di a fháil amach go bhfuil an t-amhrán ag Uimhir a hAon, thug Vogue le fios nach raibh ‘a fhios aici cad atá le rá i ndáiríre’ seachas ‘go raibh maith agaibh’.
Dúirt sí: ‘Go raibh maith agaibh, go raibh maith agaibh, go raibh maith agaibh. Tá áthas ar mo imreoir bongo Joanne, tá mé thar a bheith sásta!
‘Tá an t-airgead go léir ag dul go dtí Unicef Ireland agus Unicef UK — mar sin go raibh maith agaibh, go raibh maith agaibh, go raibh maith agaibh — go raibh maith agaibh arís, tá sé seo go hiontach.’
Ag roinnt pictiúr de na cairteacha, a thaispeánann Good Girls ag Uimhir a hAon, scríobh Joanne go simplí: ‘Gabh mo leithscéal!!??’
Cliceáil ANSEO chun an méid a dúirt Vogue ar Instagram a fheiceáil
Chuir an bheirt bhan, a chuireann an podchraoladh i láthair le chéile, deireadh le céim na hAstráile dá gcamchuairt seónna beo le déanaí, agus d’ardaigh Vogue imní roimhe sin faoin gcaoi a ligfidh sí a scíth san Astráil.
Agus í ag caint ar My Therapist Ghosted Me, bhí imní ar Vogue go mbeadh uirthi suí ar eitilt go dtí an Astráil chomh fada sin.
‘Thuig mé go raibh muid ag dul ar eitilt atá 22 uair agus 45 nóiméad ar fad – níl aon dul as,’ a dúirt sí le Joanne.
‘Cad a dhéanfaidh mé liom féin? Níor shuigh mé in aon áit amháin le deich n-uaire an chloig. Níl a fhios agam cad atá le déanamh,’ a dúirt sí, ag an am.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
