Cáineadh réalta Strictly Come Dancing, Angela Scanlon, as físeán inar chroch sí amach as fuinneog ar charr.
Tá an craoltóir as Co na Mí tuairiscithe do na póilíní i ndiaidh na heachtra, tar éis don lucht féachana a rá go raibh sé contúirteach (dangerous).
Sa ghearrthóg (clip) ar na meáin shóisialta, atá scriosta anois, tá an láithreoir, atá 39 bliain d’aois, le feiceáil ina shuí i gcúl an chairr agus á scannánú ag duine éigin sa tosach agus an carr ag bogadh.
Is féidir an t-iar-óstach Ask Me Anything a fheiceáil ag claonadh a corp amach as an gcarr sa ghearrthóg.
Tuairiscíodh Scanlon do na póilíní tar éis don ghearrthóg a bheith le feiceáil ar líne.
Mar sin féin, dúirt Angela leis an nuachtán an Sun: ‘Rinne mé an cinneadh mícheart nuair a rinne mé an físeán seo a scannánú. Bhí mé ag teacht ó cleachtaí agus bhí mé giddy le sceitimíní (excitement).
‘Ní leithscéal é sin, mar bhí an rud a rinne mé dúr agus tá brón orm gur lig mé do mo sceitimíní an ceann is fearr a fháil ar mo bhreithiúnas.’
Dúirt foinse freisin: ‘Shíl Angela go raibh sí ag spraoi, agus ag déanamh rud spraoiúil agus í ar Strictly.
‘Ach tá sé thar a bheith contúirteach a bheith ag crochadh amach as carr atá ag gluaiseacht agus ba cheart go mbeadh sé sin ar fhios aici.
‘Ní bheidh a háit ar Strictly i mbaol ach tabharfar foláireamh di faoina hiompar amach anseo.’
Tá ag éirí go maith le Angela ar Strictly in éineacht lena páirtí gairmiúil Carlos Gu.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
