Tá GRA ag súil go n-éireoidh go leor gardaí as 

Vótáil 99% de na gardaí nach bhfuil muinín ar bith acu as an gCoimisinéir Harris ach fós féin cuirfidh sé an ‘roster’ i bhfeidhm nach dteastaíonn uathu 

Tá sé ráite ag ionadaithe na nGardaí go bhfuil eagla orthu go mbeidh ‘líon mór gardaí ag éirigh as’ mar go mbeidh orthu filleadh ar na sean uainchláir (roster). 

Tagann sé seo tar éis vótáil líon mór oifigeach nach raibh muinín acu as Coimisinéir an Gharda Síochána Drew Harris. 

Léirigh beagnach 99% de na gardaí a vótáil sa bhallóid, a d’eagraigh Cumann Ionadaíochta an Gharda Síochána (Garda Representative Association, GRA) – arb ionann é agus 11,000 oifigeach – nach raibh muinín acu as. 

D’eisigh an GRA 10,803 ballóid, agus cuireadh 9,129 díobh sin ar ais mar bhall bailí. Astu sin, vótáil 9,013 (98.6%) nach raibh muinín acu as Drew Harris, agus vótáil 116 acu muiníneach ann. 

Drew Harris
Drew Harris

Chuir an Coimisinéir síos ar an vóta mar ‘cic sna fiacla’ agus dúirt go raibh ‘díomá’ air. 

Chuir an TD Neamhspleách Carol Nolan síos ar an vóta – an chéad cheann dá leithéid a glacadh i gcoinne Choimisinéir an Gharda Síochána – mar ‘cogadh cathartha laistigh de na gardaí’. 

Ach thug an tAire Dlí agus Cirt Helen McEntee agus an tÚdarás Póilíneachta a dtacaíocht don Uasal Harris. 

Dúirt rúnaí ginearálta an GRA, Ronan Slevin, gurbh é seo an líon is airde a ghlac ballóid i stair na heagraíochta. 

‘Is teachtaireacht glórach soiléir é go bhfuil muinín caillte againn mar chumann as an treo ina bhfuil an phóilíneacht á stiúradh sa tír seo. 

Helen McEntee
Helen McEntee

‘Agus, mar sin, tá sé anois i lámha an Rialtais seasamh suas agus beart a dhéanamh.’ 

Dúirt an tUasal Harris go raibh sé chun fanacht ina phost beag beann ar thoradh na vótaíochta neamhcheangailteach (non-binding poll). 

Agus dúirt figiúirí sinsearacha an Rialtais go raibh ‘údarás iomlán’ aige déanamh amhlaidh. 

Tionólfaidh an GRA comhdháil speisialta toscairí (delegates) i gCill Chainnigh (Kilkenny) níos déanaí an mhí seo, áit a gcuirfear roinnt tairiscintí faoi bhráid na gcomhaltaí ach ní déarfaidís cad a bheidh sna rúin sin. 

Ceann de na príomhchúiseanna a bhfuil an beart seo déanta ag gardaí ná na pleananna chun an uainchlár (roster) réamh-Covid a thabhairt isteach an 6 Samhain. 

Ó tharla an paindéim, tá ar ghardaí sealanna (shifts) 12 uair an chloig a oibriú, ceithre lá ag obair, ceithre lá saor. Mar sin féin, tá sé beartaithe ag an Uasal Harris filleadh ar an seanchóras le sé shealú (shifts) a mbeidh ar feadh deich n-uaire an chloig, agus ceithre lá saor ina dhiaidh sin, rud a chuireann an GRA go mór ina choinne. 

Gardaí
Gardaí

Dúirt rúnaí ginearálta cúnta GRA, Tara McManus, go bhfuil sí ag súil le go leor gardaí ag éirí as sna seachtainí amach romhainn mar thoradh díreach ar an athrú ar an uainchlár. 

Dúirt sí: ‘Sílim go bhfuil go leor tásca le tabhairt isteach an uainchláir réamh-Covid arís go bhfuil sé ag dul i bhfeidhm ar go leor daoine agus go bhfuil cinntí á ndéanamh acu cheana féin go bhfuil siad chun éirí as.’ 

Dúirt sí: ‘Tá 96 tar éis éirí as go dtí seo i mbliana. Anuraidh chailleamar 109. Mar sin tá sé soiléir go leor go mbeidh níos mó ag éirí as I mbliana.’ 

Dúirt an tUasal Slevin go gcaithfidh an Taoiseach agus an tAire Dlí agus Cirt Helen McEntee ‘éisteacht anois le gardaí a “rank-and-file”’. 


Faigh scéalta ExtraG.ie ó Luan go hAoine

• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

Comhroinn Anois

You might also like ...

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram