Tá Jack O’Connor athcheaptha mar bhainisteoir peile Chiarraí ar feadh téarma dhá bhliain eile. Dhaingnigh toscairí an chlub é d’aonghuth ag cruinniú Bhord an Chontae oíche Dé Máirt gan vóta.
Tháinig deireadh le téarma tosaigh dhá bhliain O’Connor, ina thríú huair mar bhainisteoir ar fhoireann sinsir Chiarraí, nuair a chaill Ciarraí ar Áth Cliath i gCluiche Ceannais Peile Sinsear na hÉireann na bliana seo, ar 30 Iúil i bPáirc an Chrócaigh.
Níl a fhoireann cúil ainmnithe ag O’Connor go fóill ach tugann tuairimíocht le fios go bhféadfadh athrú a bheith ann.
Ní fios fós an féidir le Paddy Tally gealltanas a thabhairt an turas fada ó dheas a dhéanamh.
Thóg Tally bliain sabóideach (sabbatical) ó Choláiste Mhuire i mBéal Feirste in 2022 agus i mbliana thaistil sé suas agus síos go Currans agus Cill Áirne.
Feictear go bhfuil Tally riachtanach do sheansanna Chiarraí Sam Maguire a fháil ar ais ó Bhaile Átha Cliath in 2024.
Dúirt Cathaoirleach Chiarraí, Patrick O’Sullivan, go mbeidh Jack O’Connor ag ainmniú a fhoireann cúil sna seachtainí atá romhainn.
Rinne O’Sullivan comhbhrón (commiserated) le bainisteoirí agus imreoirí Chiarraí tar éis an bua ag Baile Átha Cliath.
‘Ar an gcéad dul síos ba mhaith liom comhbhrón a dhéanamh le Jack O’Connor, a fhoireann bhainistíochta agus seomra cúil agus na himreoirí ar fad i scuad Chiarraí ar chaill cluiche ceannais na hÉireann in aghaidh Bhaile Átha Cliath tar éis cath eipiciúil.
‘Bhí iarracht na n-imreoirí agus an lucht bainistíochta go híontach. Agus i bhfíor-thraidisiún Chiarraí leanfaimid leis, déanaimid athghrúpáil agus tiocfaimid ar ais.
‘Táim bródúil as na leaids, agus mar sin ba cheart do lucht tacaíochta Chiarraí go léir a bheith bródúil freisin.’
Rinne an Cathaoirleach cáineadh orthu siúd a bhain mí-úsáid as imreoirí agus lucht bainistíochta Chiarraí ar líne.
‘Sula bhfágann mé cluiche ceannais na hÉireann caithfidh mé trácht ar chuid den cháineadh pearsanta agus éagórach a bhí ar roinnt imreoirí agus lucht bainistíochta Chiarraí ar na meáin shóisialta agus ar fhóraim éagsúla.
‘Sílim go bhfuil sé iomlán do-ghlactha go gceadaítear do laochra méarchláir (keyboard warriors), an chuid is mó acu i bhfolach taobh thiar de phróifílí bréige agus d’ainmneacha bréagacha, mí-úsáid phearsanta a chur ar imreoirí amaitéaracha atá ag chaitheamh an geansaí glas agus ór do Chiarraí ar feadh na bliana ar fad nach mó agus iad ag thabhairt onóir agus glóir dá gcontae.
‘Mar chúiteamh faigheann siad mí-úsáid ar líne, tá sé sin do-ghlactha go hiomlán.’
Mhair chéad téarma O’Connor i gceannas ó 2004-2006. D’fhill sé le ceithre bliana a chaitheamh idir 2009-2012 agus má fhanann sé san áit go dtí 2025 beidh sé ina bhainisteoir sinsir ar Chiarraí ar feadh aon bhliain déag.
Chuir O’Connor deireadh le fanacht fiche bliain do Chiarraí do Chraobhchomórtas Mionúr Peile na hÉireann nuair a ghlac sé an lámh in uachtar in 2014 agus threoraigh sé Ciarraí chun dhá theideal as a chéile a bhuachan. Bhainistigh sé foireann Chiarraí faoi 20/F21 freisin.
• Más mian leat ríomhphost (email) a fháil leis na scéalta is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
