Tá príomhoidí scoile ar fud na tíre ag iarraidh beagnach 1,200 post teagaisc atá folamh a líonadh díreach seachtainí roimh an téarma nua.
Tá géarchéim na hearcaíochta (recruitment crisis) go háirithe i mBaile Átha Cliath, áit a bhfuil costas ard tithíochta ag cur brú ar mhúinteoirí an chathair a fhágáil.
Léiríonn figiúirí nua go bhfuil 1,170 folúntas ag an mbunleibhéal agus ag an dara leibhéal ar fud na tíre anois, agus beagnach leath de na poist sin (528) i mBaile Átha Cliath.
Deir príomhoidí go bhfuil siad éadóchasach agus iad san iomaíocht chun iarracht a dhéanamh poist a líonadh.
Dúirt Karen Jordan, ó St Catherine’s National School i gcathair Bhaile Átha Cliath: ‘Is fadhb mhór é an ganntanas múinteoirí agus tá sé níos measa ná mar a bhí sé sna seacht mbliana a bhí mé i mo phríomhoide.
‘Go dtí an tseachtain seo caite, bhí beirt mhúinteoirí ag teastáil uaim chun poist saoire mháithreachais (maternity leave) a líonadh.
‘Fuair mé duine amháin an tseachtain seo caite ach táim ag lorg múinteoir amháin eile chun mo chúigiú rang a thógáil.’
Dúirt sí go mb’fhéidir nach mbeadh aon rogha aici ach iarraidh ar mhúinteoir oideachais speisialta an rang a ghlacadh.
Beidh uirthi ansin múinteoir ionaid (substitute teacher) a fháil do dhaltaí an mhúinteora sin.
Dúirt Ms Jordan: ‘Tá sé sin fíor-éagórach ar na leanaí a bhfuil tacaíocht níos mó de dhíth orthu.
‘Deir an Roinn Oideachais dúinn nach féidir linn é sin a dhéanamh, níl príomhoidí ag iarraidh é a dhéanamh, ach ní féidir liom casadh ar rang tuismitheoirí agus a rá nach bhfuil múinteoir agam dóibh.’
Dúirt Ms Jordan: ‘Is í an fhadhb is mó ná tithíocht. I mBaile Átha Cliath ní leor tuarastal múinteora chun an cíos a íoc. Níl an líon tithíochta a theastaíonn uainn i mBaile Átha Cliath ar fáil ar phraghas réasúnta.’
Tá láithreán gréasáin Educationposts.ie, atá á reáchtáil ag an Irish Primary Principals’ Network (IPPN), ag fógraíocht faoi láthair ar 670 folúntas bunscoile agus 499 post múinteoireachta meánscoile.
Astu sin, tá 329 folúntas bunscoile agus 199 ag an dara leibhéal i mBaile Átha Cliath.
Dúirt an Roinn Oideachais go bhfuil méadú tagtha le cúig bliana anuas ar líon na múinteoirí agus ar líon na bpost múinteoireachta atá á maoiniú ag an roinn.
Dúirt an tAire Oideachais Norma Foley an tseachtain seo caite, áfach: ‘Ní dhéanaim beag is fiú ar feadh nóiméid ar na dúshláin atá roimh phríomhoidí san aeráid reatha.’
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
