Tá cinneadh déanta ag an Stiúrthóir Ionchúiseamh Poiblí (DPP) gan ionchúiseamh (prosecution) a dhéanamh in aghaidh whistleblower a nochtaigh eachtraí in aghaidh Maurice McCabe, ceithre bliana go leith tar éis tús a chur le himscrúdú, de réir tuairisc san Irish Mail on Sunday.
Nocht an t-oifigeach sinsearach faisnéis freisin faoi mhíbhainistíocht airgeadais (financial mismanagement) i gColáiste an Gharda Síochána sa Teampall Mór.
Rinne Stiúrthóir Acmhainní Daonna an Gharda, John Barrett, sé nochtadh cosanta (protected disclosures) faoi mhíbhainistíocht airgeadais (financial mismanagement) ag an gcoláiste agus faoin gcaoi ar caitheadh le Maurice McCabe.
Creideann foinsí sinsearacha na nGardaí gur mór an náire do Choimisinéir an Gharda, Drew Harris, cinneadh an DPP gan an tUasal Barrett a ionchúiseamh, ceithre bliana go leith tar éis dó a bheith ar fionraí óna phost agus imscrúdú a dhéanamh air faoi dhlí atá 102 bliain d’aois.
Creideann foinsí Rialtais anois go bhféadfadh sé seo conspóid a chruthú maidir le láimhseáil an fhórsa ar sceithirí (whistleblowers), cosúil le scannal Maurice McCabe.
I mí Feabhra 2018, thug an tUasal Barrett, a bhí ina cheann sibhialtach ar Acmhainní Daonna ag an nGarda ag an am, fianaise ag Binse Charleton, a bunaíodh chun imscrúdú a dhéanamh ar eachtraí le Maurice McCabe.
Mheas roinnt daoine go raibh sé ag tabhairt dúshlán mór do na n-údarás. I Meitheamh na bliana sin, rinneadh Coimisinéir an Gharda Síochána de Drew Harris; i mí Dheireadh Fómhair cuireadh an tUasal Barrett ar fionraí agus i mí na Nollag 2018, tar éis gearán coiriúil a rinne an tUasal Harris, cúisíodh an tUasal Barrett i gcion faoi alt 2 den Acht um Binsí Fiosrúcháin 1921.
Dúirt foinsí na nGardaí nár dúradh leis an Uasal Barrett fiú go raibh sé á fhiosrú go dtí dhá bhliain go leith ón imscrúdú.
D’ordaigh an DPP, an tseachtain seo caite, nár cheart dul sa tóir ar aon ionchúiseamh i gcoinne an Uasail Barrett mar gheall ar a fhianaise don bhinse, de réir an Irish Mail on Sunday.
Mar sin féin, tá sé fós ar fionraí ón nGarda Síochána.
Bhí imscrúdú Ombudsman mar thoradh ar na rudaí a dúirt an Uasail Barrett faoi mhíbhainistíocht airgeadais sa Teampall Mór.
Mar gheall ar mhí-láimhseáil na nGardaí maidir le nochtadh an Uasail McCabe, rinneadh binse fiosrúcháin agus sraith scannail a d’fhág gur chaill polaiteoirí sinsearacha agus gardaí a bpoist.
‘Tá tuairim láidir ag roinnt gardaí gur laoch é John Barrett,’ a dúirt foinse sinsearach de chuid na nGardaí.
‘Sea, rinne sé nochtadh a bhí an-mhíchompordach do bhainistíocht an Gharda Síochána ach bhí siad riachtanach chun an eagraíocht a tharraingt isteach sa nua-aois.
‘Ba é an freagra a bhí ag na gardaí ansin ná é a chur ar fionraí óna phost agus iarracht a dhéanamh é a ionchúiseamh,’ a dúirt an fhoinse sinsearach. ‘Cén bealach é seo chun cóir leighis a chur ar sceithire (whoistleblower)?’
Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
Más mian leat ríomhphost (email) a fháil leis na scéalta is fearr ar Extra.ie, ó Luan go hAoine, seol an focal ‘Tá’ chuig joeextragdotie@gmail.com
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
